Mo Medengelii a Delak el Mechas

A ta er a omeruul er a Rengeasek el Redil, e ak mlo olngeseu er a delak el mechas losiik er a rebeldekel lomes a bek el llel a microfilm er se el basio er a reksi er a telungalek el ngara Mesa, Arizona, USA. Tia er a ki mdengchokl el chachuchau losiik er a rechedal a telungalek, e ak mlo melbedebek: “Ngak a kmal ungil medengelii ngika el delak el mechas el di kmeed er ngak?”

Aki miltik er a rebetok el chedal a telungalek, e kildmokl a babier el kirir, e mlo er a Mesa Arizona Temple el mlo meruul a ureor er a techolbechelid me a omengedaol el kirir. Dimlak el meketeket ruriul, e a delak el mechas a milskak tial rokir el reksi er a telungalek.

Ng secherel el riumats a uchul, eng kmal mle meringel er ngika el delak el mechas loutype a babier. Ak mle semeriar el ngara computer lolngeseu er ngii. Aki mlo dmak, e lmuches a cheldecheduch er a klengar ngii el uchul a klungiolel a chedaol klengar er a telungalek er kemam. Ng kmal soak el tebedechel a klengar ngii e mesuub a betok el kirel a reksi er a Ikelesia er a taem el ki mdak el oureor.