Se Leona Amio Mamoe
“O au se atalii o le Atua, ua Ia auina mai au nei” (Tusipese a tamaiti, 2).
O se tasi o a’u tala e fiafia i ai o le tala ia Lambert le Leona Amio Mamoe. Sa oo ina lauiloa i se ata komi i ni nai tausaga ua mavae.
O Lambert o se tamai leona sa ola faatasi ma se lafu mamoe mai le taimi na fanau ai. Ona o lena mea, sa ia manatu ai o ia o se mamoe. I se tasi po o le tautotogo na momoe filemu ai Lambert ma le lafu. Na faafuasei lava ona faalogoina e Lambert le uio taufaafefe o se luko i se mea mamao. Ona sa manatu Lambert o ia o se mamoe, sa amata ona gatete o ia.
Na faasolosolo leotele mai le uio, ma na lalata atili mai le luko ma amata ona toso ese atu se tasi o mamoe. Na faafuasei lava ona lagona e Lambert se faalogona malosi i totonu te lei faalogoina muamua. Faapei o se uila, sa ia momoe atu agai i le luko e laveai le mamoe!
O le taimi lava lena na iloa ai e Lambert se mea. “E le o au o se mamoe. E le o au o se atalii o se mamoe. O au o se atalii o se leona!” Sa mafaufau ai Lambert. Ina ua ia tuliesea le luko ma puipuia mamoe, sa ia iloa lona natura moni.
O oe o se atalii o le Atua, ma e alofa o Ia ia te oe. Ae tatou te le’i fananau mai i le lalolagi, o i tatou taitoatasi o se atalii po o se afafine agaga pele a lo tatou Tama Faalelagi. Ae o le toatele o i tatou e le iloaina lenei mea. Afai tatou te iloa po o ai i tatou, e mafai ona avea i tatou e pei o le leona ma tau e tetee ese mea leaga, ina ia mafai ona tatou puipuia isi ma lē se ese.
Ou te faafetai mo meaalofa matagofie o le talalelei ma le ata o le faaolataga. Ou te faafetai ua tatou iloa po o ai i tatou ina ia mafai ona tatou malolosi—pei lava o Lambert.