Naʻá ku Toe Tokoni
ʻOku nofo e tokotaha naʻá ne fai e talanoá ʻi Lio Kalanite to Nōti, Palāsila.
ʻI ha ʻaho ʻe taha, hili ha ngāue ʻofa, naʻá ku lue fakalaka atu homau falelotú peá u sio ki ha ongo fafine naʻá na fakamaʻa ʻa e falé. Naʻá ku lea atu: “Ongo fafine, ʻokú mo fie maʻu nai ha tokoni?” Naʻe malimali mai ha taha ʻiate kinaua kiate au mo pehē mai kuó u aʻu taimi tonu ange pē koeʻuhí ko kinaua pē naʻe fakamaʻá pea kuó na fuʻu ongosia. Naʻá ne pehē naʻá ne lotua ke ʻomi ʻe he ʻEikí ha taha ke tokoni. Naʻá ku fiefia lahi ke hoko ko ha tali ki heʻene lotú. Naʻe toki ʻosi pē ʻeku ngāue tokoni ki ha taha kehe peá u helaʻia foki, ka naʻá ku muimui ki hoku lotó peá u fie tokoni lahi ange.
Ko ha fekau ke ngāue ʻi he fiefia (vakai, T&F 24:7). ʻI he taimi ʻoku tau maʻu ai ha holi ke tokoni ʻi he taimi kotoa peé, ʻe lava ke tau tokoni ke hoko ha ngaahi mana ʻi he moʻui ʻa e niʻihi kehé. ʻOku toe mahuʻingamālie ange ʻetau moʻuí ʻi he taimi ʻoku tau tokoni aí. ʻOku ʻofa moʻoni ʻa e ʻEikí ʻiate kitautolu, ʻokú Ne tokoniʻi ʻEne fānaú takitaha, pea te Ne foaki mai kiate kitautolu ʻa e mālohi ke tokoní.