Ko e Tohi Takafi Engeengá
ʻOku nofo e tokotaha naʻá ne fai e talanoá ʻi Polīvia.
Naʻe nofo ʻa Lenitolo ʻi Polīvia. Naʻá ne saiʻia he ʻalu ki he akó, pea naʻá ne tokangaʻi lelei ʻene ngaahi nāunau fakaakó. Ko e tohi naʻá ne saiʻia taha aí naʻe takafi engeenga pea ʻi ai ha ngaahi tā fakatātā mahuʻinga ai.
Ko e ʻaho ʻe taha naʻe fiu kumi ʻe Lenitolo ʻene tohi lanu engeengá. Naʻe tokoni ʻene fineʻeikí mo ʻene tangataʻeikí ʻi hono kumí, ka naʻe ʻikai pē ke nau maʻu ia.
Naʻe loto mamahi ʻaupito ʻa Lenitolo. Naʻe pehē ʻe he tamai ʻa Lenitoló, “Tau lotu.” “Te tau kole ki he Tamai Hēvaní ke ne tokoniʻi kitautolu.”
Hili e lotú, naʻe maʻu ʻe he tamai ʻa Lenitoló ha fakakaukau.Naʻá ne pehē, “Tau talanoa ki hoʻo faʻētangatá.” “Mahalo pē ʻoku fakaʻaongaʻi ʻe heʻene fānaú e tohi tatau pea te nau tuku ke ke fakaʻaongaʻi ia.”
Naʻe fakakaukau ʻa Lenitolo, “Ko e tali ʻeni ki heʻemau lotú.”
Naʻe ʻalu e fāmili ʻa Lenitoló ki he falekoloa ʻo ʻene faʻētangatá. Naʻa nau ʻeke kiate ia kau ki he tohi lanu engeengá. Naʻe pehē ʻe heʻene faʻētangatá kuo teʻeki ai ke fakaʻaongaʻi ʻe heʻene fānaú ʻa e tohi ko iá.
Naʻe puputuʻu leva heni ʻa Lenitolo. Meʻa ní he ʻikai ke tali ʻe he Tamai Hēvaní ʻenau lotú?
ʻI he taimi pē ko iá, naʻe hū mai ha kau tangata ki he falekoloa ʻene faʻētangatá ʻo tuʻuaki fakatau atu ha ngaahi tohi. Naʻa nau maʻu ʻa e tohi ʻoku takafi lanu engeenga!
Naʻe fakatau ʻe he tamai ʻa Lenitoló e tohí. Naʻe fakamālō ʻa Lenitolo ki he Tamai Hēvaní ʻi hono tali mai ʻene lotú.
Ngaahi tā fakatātā ʻa Bryan Beach