iVakasala me baleta na Veidigidigi Dredre

A tukuna o Peresitedi Henry B. Eyring, na iMatai ni Daunivakasala ena Mataveiliutaki Taumada, me baleta e dua na gauna ni nona muria na ivakasala vakaparofita. Donuya e dua na koniferedi raraba, a vakauqeti ira na lewenilotu o Peresitedi Ezra Taft Benson (1899–1994) mera lako tani mai na dinau—vakabibi na dinau ni mokiti.

A tukuna o Peresitedi Eyring: “Au a vuki vua na watiqu ni sa oti na soqoni ka taroga, ʼO nanuma beka ni tiko e dua na sala me daru cakava na ka oya?ʼ Keirau a sega ni rawata vakailiu.” Ia ena bogi oya a vakasamataka o koya e dua na vanua taukeni eratou a sega ni volitaka rawa me vica na yabaki. “Keirau a vakararavi vua na Kalou kei na … itukutuku ni Nona italai, [ka] keirau talevoni sara. … Au a rogoca na kena saumi mai ka sa vaqaqacotaka na noqu vakararavi vua na Kalou kei ira na Nona italai ki na siga nikua.” Ena siga vata oya a vakatauca kina e dua na turaga e dua na isau ena nodratou vanua taukeni na Eyring ena dua na iwiliwili ka levu ga vakalailai mai na nodrau mokiti. Rau sa mani vagalalataki mai na dinau na Eyring (raica na “Vakararavi Vua na Kalou, Mo Lako Yani ka Vakayacora,” Liaona, Nove. 2010, 70–73).

Ena rairai sega beka na nomu mokiti me saumi, ia na ivakasala vakaparofita sa rawa ni tuberi iko eke kei na gauna oqo ena loma ni vakatulewa dredre eso me baleta na cakacaka, vuli, kaulotu, kei na vakaitau. Veivosakitaka vata kei na nomu matavuvale se o ira na nomu icaba na iwalewale o rawa ni muria kina na parofita ena gauna ni vakatulewa.