Balakad para kadagiti Narigat a Pili

Imbaga ni Presidente Henry B. Eyring, Umuna a Mamagbaga iti Umuna a Panguluen, maipapan iti maysa a panawen idi sinurotna ti balakad ti propeta. Kabayatan ti maysa a sapasap a komperensia, ginutugot ni Presidente Ezra Taft Benson (1899–1994) dagiti miembro a liklikanda ti agutang—nangnangruna ti utang iti panagisalda.

Kinuna ni Presidente Eyring: “Inasitgak ti asawak kalpasan ti miting ket sinaludsodko, ‘Panagkunam kadi nga adda ngata wagas a pakaaramidanta iti dayta?’ Idi damo saanmi a kabaelan.” Ngem iti dayta a rabii napanunotna ti maysa a sanikua a pinadasda nga inlako ngem dida nagballigi iti sumagmamano a tawen. “Nagtalekkami iti Dios ken … ti mensahe ti katulonganna, [ngarud] timmawagkami iti telepono. … Nangngegko ti maysa a sungbat nga uray iti daytoy nga aldaw napapigsa ti panagtalekko iti Dios ken kadagiti katulonganna.” Iti dayta met la nga aldaw nangidiaya ti maysa a lalaki iti sanikua dagiti Eyring iti kantidad a dakdakkel ngem iti panangisaldada. Nabiit kalpasanna nagbalin a nawaya dagiti Eyring iti panagutang (kitaen iti “Trust in God, Then Go and Do,” Liahona, Nob. 2010, 72–73).

Mabalin nga awanankayo iti naisalda a bayadan, ngem matulongannakayo ti balakad ti propeta ditoy ken ita babaen dagiti narigat a pangngeddeng maipanggep iti trabaho, edukasion, mision, ken pannakisinnarak wenno dating. Paglilinnawaganyo iti pamiliayo wenno kapatadayo maipapan no kasano a masurotyo ti propeta no nasken nga agaramidkayo kadagiti pangngeddeng.