Annak
Panagsurot iti Pagwadan dagiti Nagkauna a Kameng
Imbinglay ni Presidente Uchtdorf ti sumagmamano a wagas a nangipakitaan dagiti nagkauna a kameng iti ayatda para iti Nailangitan nga Ama. Kabaelanyo suruten dagiti wagas ti pagwadanda. Dagitoy ti sumagmamano a kapanunotan a pangrugianyo:
Panangngaasi
Agsurat iti makaliwliwa a surat wenno ipasiarmo ti maysa a tao a malidlidayan.
Tulongam ti maysa a kaklase iti homeworkna.
Aramid
Mangitudingka iti maysa a panggep a tun-oyen. Agaramidka iti maysa a banag iti daytoy a bulan a makatulong kenka a mangragpat iti paggepmo a tun-oyen.
Tulongam dagiti dadakkelmo nga agluto iti pangrabii.
Panangnamnama iti nasayaat
Agaramidka iti listaan ti 10 a banag iti biagmo.
Umisemka iti maysa a tao a makitam.