Visiting Teaching Amandzɛɛbɔ, Dzifuu 2015
Jesus Christ no Su Krɔnkrɔn: Botooyɛ na Ahobrɛadze
Mpaabɔ mu ara sũa adzesũadze yi na hwehwɛ dɛ ibohu dza ibɛkyɛ. Eretse Agyenkwa N’abrabɔ na Ne dzibew ase no besi dɛn bɛma wo gyedzi enyin wɔ No mu na oehira hɔn a enam visiting teaching do hwɛ hɔn do no? Ho nsɛm bio no, kɔ reliefsociety.lds.org.
Gyedzi, Ebusua, Mboa
Jesus see dɛ, “Na mbom nyia ɔyɛ hom mu kɛse wɔmma ɔnyɛ dɛ ekumaba, na nyia ɔyɛ otsitsir no, ɔnyɛ dɛ nyia ɔsom. Na woana na ɔyɛ kɛse, nyia ɔtse edziban ho anaa nyia ɔsom a? Nnyɛ nyia ɔtse edziban ho anaa? Na emidze mowɔ hom mu dɛ nyia ɔsom” (Luke 22:26–27).
“Agyenkwa no nye hɛn fasusu a ɔkrɔn wɔ ahobrɛadze no tum nye na ahofama ho. Ne nyina ekyir no, Ogyaa Ne pɛ mu maa Egya no dze adze kɛsenara bɔbɔɔ adze, a no tum yɛ ndam mpo kyɛn dza esi abakɔsɛm nyina mu pɛn. Annhwɛ a nsɛm krɔnkrɔn mapã a ɔwɔ kyerɛwsɛm nyina mu no bi ara nye, ‘Naaso nnyɛ me pɛ a, na wodze na ɔnyɛ’ (Luke 22:42)”1
Dɛ Jesus Christ esuafo no, daa yɛhwehwɛ dɛ yɛbɛyɛ tse dɛ Ɔno. Elder Ulisses Soares a ɔkã Eduosoun no ho kãa dɛ, “Botooyɛ hia ma hɛn ma yɛabɛyɛ tse dɛ Christ yie.” Sɛ yennya a yennkotum etu ɔbrapa su nkaa no a ohia no mpon. Yɛreyɛ botoo nnkyerɛ mberɛwyɛ, mbom ɔkyerɛ dɛ edze papayɛ na ayamuyie robɔ bra, ereda ahoɔdzen edzi, ɔdwe, woho som woho bo, na enya ahohyɛdo.”2 Ber a yɛyɛ edwuma dze tu suban yi mpon no, yebohu dɛ “ahobrɛadze mu ara yerigyaa hɛn pɛ mu ama Egya no, Nyame hyɛ hɛn tum—ahobrɛadze no tum no. Ɔno nye tum a idze begyina atseetsee enyim, asomdwee ho tum, enyidado ho tum, aekoma tutuw a ɔwɔ Agyenkwa Jesus Christ ho dɔ na dasegye tum, ɔpon ho tum mpo no.”3
Kyerɛwsɛm a Ɔkã ho
Fi Kyerɛwsɛm no mu
Christ No somdwuma ber mu dza ɔyɛ dɛw dodow mu kor na tum wɔ mu dodow nye ber a ɔhohoor N’esuafo hɔn anan ho. “Ɔsoɛree fiir edzidzi, na oyii ne ntar guu nkyɛn; na ɔfaa entuho bɔɔ noho do. Na afei ohuee nsu guu guarsɛn mu, na ɔhyɛɛ ase hohoor n’esuafo no anan ho, na ɔdze entuho no a ɔbɔ noho do no pepae” (John 13:4–5).
Ber a Agyenkwa no reda ayɛdze yi edzi no, ahobow bɛkã esuafo no dɛ hɔn Ewuradze na Owura buu ntwɛr wɔ hɔn enyim na ɔsoom botoo a ɔtse dɛm. Afei Jesus kyerɛkyerɛɛ adzesuadze a Ɔpɛɛ dɛ hɔn na hɛn nyina yesũa mu:
“Na sɛ emi, Kyerɛkyerɛfo nye Ewuradze, mahohor hom anan ho a, hom so ɔsɛ dɛ hom hohor hom anan ho nkorkor.
“Na mama hom mfatoho, ama hom so aayɛ dɛ mbrɛ mayɛ hom yi” (John 13:14–15)
© 2015 Intellectual Reserve, Inc. Wɔakora ho tumdzi nyina. USA na wotsintsimii English approval: 6/15. Translation approval: 6/15. Visiting Teaching Message, August 2015. Fante. 12588 502 ne Nkyerɛasee
Susu Iyi Ho
Yenya ahobrɛadze a obesi dɛn aboa hɛn ma yɛadɔ tse dɛ ma Agyenkwa No yɛe no?