Kau atu ʻa e Kau Taki ʻo e Kakai Fefiné ki he Ngaahi Fakataha Alēlea ʻo e Siasí
Kuo fakaafeʻi ʻe he Siasí ʻa e kakai fefiné ke ngāue ʻi ha fakataha alēlea fakatakimuʻa lalahi ʻe tolu.
ʻE ngāue ʻa Sisitā Linitā K. Peatoni, ko e palesiteni lahi ʻo e Fineʻofá, ʻi he Fakataha Alēlea Pule ʻo e Lakanga Fakataulaʻeikí mo e Fāmilí (ʻa ia ne ʻuluaki ngāue ʻi he Fakataha Alēlea Pule ʻo e Lakanga Fakataulaʻeikí). ʻE ngāue ʻa Sisitā Poni L. ʻOsikāsoni, ko e palesiteni lahi ʻo e Kau Finemuí, ʻi he Fakataha Alēlea Pule ʻo e Kau Faifekaú. Pea ʻe ngāue ʻa Sisitā Rosemary M. Wixom, ko e palesiteni lahi ʻo e Palaimelí, ʻi he Fakataha Alēlea Pule ʻo e Temipalé mo e Hisitōlia Fakafāmilí.
Neongo ne tokoni maʻu pē mo faleʻi ʻe he kakai fefine ʻi he kau palesitenisī lahi ʻo e Fineʻofá, Kau Finemuí mo e Palaimelí ʻa e ngaahi fakataha alēlea ko ʻení ʻi ha ngaahi taʻu lahi, ka ʻoku ʻomi ʻe he fakaafé ni ke nau hokohoko atu ha fatongia ʻi he ngaahi fakataha alēlea ko ʻení.