Mbabun
Me Dasegye ne Fapem
Ɔkyerɛwfo no tse Idaho, USA.
Ber a midzii mfe 16 no, me nyɛnko bi dze asɛmpasomafo no baa me fie. Bosoom a wɔyɛɛ mpɛnsapɛnsamu a odzi kan mu no, woyiyii me nsɛmbisa nyina ano pefee. Metsee Sunsum Krɔnkrɔn no dɛ ɔgyee Nsanananmu ho nsɛm no nokwar ho dase. Nna ne nkã-tse nntse dɛ biribiara a matse no pɛn, na muhun dɛ ne nyina yɛ nokwar.
Naaso, wɔpoow me na wɔkõe tsiaa me kyɛn daa. Meyɛɛ ankonam, me berɛe, na meyɛɛ basaa. Sɛ mereyɛ dza oye a, ebɛnadze ntsi na mirihyia amandzehu pii yi? Nna munntum nntse ase mbrɛ mo nsɔhwɛ no bowie yie ama me. Asɛmpasomafo no kyerɛkyerɛɛ me dɛ menkye kɔm na mombɔ mpaa, mowɔ skuul mpo no. Sɛ ndzɛmba yɛ dzen a, muhue m’akoma mu na ntsɛmara metse Sunsum n’awerɛkyekye no.
Nsɔhwɛ hyɛɛ dapɛn a wobonuma me no mu mã. M’edwuma panyin hunahunaa me dɛ obeyi me edzi sɛ mengyaa m’enuma no na mambɛhyɛ obi ananmu annyɛ n’edwuma a, ewiei no medze ayamudze yarba kefir asopitsi, na m’awofo kãa dɛ muntu mfi hɔn fie. Ndzɛmba pii efi me nsa, na dza nna mubotum ayɛ nko nye dɛ medan Ewuradze.
Dɛm nsɔhwɛ no kor biara bɛyɛɛ mfaso dze maa me. Wɔboaa me ma musũaa asɛmpa ne nkyerɛkyerɛ no a ɔmaa me me dasegye ne fapem no.