E niu no to’u iteraa papû

I te 16raa o to’u matahiti, ua haere mai te tahi hoa i te fare e te mau misionare. E hope a’era hoê ava’e mai taua paraparauraa matamua ra, ua oti ta’u mau uiraa atoa i te pahonohia, e ua papû maitai. Ua putapû to’u aau i te Varua Maitai, no ni’a i te parau mau o te poro’i o te Faahoʻi-faahou-raa mai. Aita vau i farii a’enei i teie huru mana’o e ua ite au e, e parau mau ana’e.

Tera râ, ua rahi atu â te huri-tua-raa o te taata e te pato’iraa, e aita a’enei mai te reira. E mana’o otahi tei tae mai e te rohirohi e te taa ore. Mai te peu pai e ohipa ti’a ta’u e rave ra, no te aha pai ïa teie mau fifi iti rahi ? Ua fifi au i te maramaramaraa i te maitai o teie mau tamataraa. Ua haapii mai te mau misionare ia’u ia haapae i te maa e ia pure, noa’tu â tei te haapiiraa vau. E ia teimaha roa vau e eita e nehenehe faahou, e manii ïa vau i te hinaaro o to’u aau e i tera iho taime e tae mai te tamahanahanaraa o te Varua.

I te hepetoma no to’u bapetizoraa, ua rahi roa te mau tamataraa. Ua tae mai te parau tihati a to’u paoti ia ore noa’tu vau e faanuu i to’u bapetizoraa no te mono i te tahi rave ohipa, ua mau vau i te fare ma’i no te ma’i omaha ofa’i (calcul rénal), e ua parau mai to’u na metua ia haere i rapae i te fare. E no teie mau mea atoa tei topa mai i ni’a ia’u, hoê noa mea te nehenehe e rave maori râ te fariuraa i te Fatu.

Pauroa teie mau tamataraa tei riro mai ei maitai no’u. Ua tauturu mai te reira ia’u ia haapii i te mau haapiiraa tumu o te evanelia o tei horo’a mai i te hoê niu no to’u iteraa papû.