Ɔsor Egya duaa Ehyiadzi Kasa do Nye Me Kasae

Nna m’adwen mu nntsew me wɔ dza munsũa wɔ esũapɔn mu. Nna nkorɔfo dodowara nnkã nsɛm pa mmfa adzesũadze a mepɛ dɛ musũa no ho, ntsi mobɔɔ mpaa maa Ewuradze dze hwɛɛ dɛ sɛ Ɔbɛgye m’adwenpɔw no ato mu a.

Adzekyee noara no ber a merekenkan wiadze mfɛndzanan ehyiadzi kasa bi wɔ Liahona mu no na mo mbuae no bae. Metsee dɛ ma ɔyɛ dɛ Ɔsor Egya rekã kyerɛ me dɛ Onnkotum asan mu eyi ama me—iyi yɛ adwenpɔw a ɔwɔ dɛ monko meyɛ. Muhun dɛ dza mebɛsan mu eyi biara no, ɔsɛ dɛ meyɛ edwumadzen ana konyimdzi aba.

Minyim dɛ me mpaabɔ no woeyi ano. Sunsum Krɔnkrɔn no ne pisi no boaa me ma mobɔɔ adwenpɔw. Mesũa dɛ mobɔbɔ mbɔdzen ara yie na minyim dɛ Ɔsor Egya bɔboa me.