Iren Mahsen en Padahk en Pas, Suhn 2016
Tiahk Sarawi oh Inou kan en Tehnpas Sarawi
Onopki ni kapakap dipwisou wet oh rapahki ken esehla dahme ken sapaniki. Ia mwoamwen ahmw wehwehkihla “Peneinei: Kalohk Ehu ong Sampa” eh pahn kakairada ahmw pwoson Koht oh kapaiahda irail kan me komw kin apwahpwali nan padahk en pas? Ong pil ekei iren kapehse, tehk reliefsociety.lds.org.
Pwoson, Peneinei, Sawas
Tiahk sarawi koaros me anahnepe ong komourla oh lapalapala kin iangahki inou kan ong Koht. Linda K. Burton, presiden lap en Pwihn en Sawas en Lih kosoia, Ni atail wiahda oh kolokol inou kan wehwehki kitail pilada kitail en katengetengdi ong Samatail Nanleng oh Sises Krais.1
Elder Neil L. Andersen en Pwihn en Wahnparon Ehk-riemeno kosoia, Kauno mahsani, Nan tiahk sarawi kan … manaman en enihlapo kin pato ie.
Mie kapai tohrohr kan sang Koht ong aramas me warohng koaros me pepdaislahr, alehier Ngehn Sarawio, oh kin iang alahle kamadipw sarawi.2
Elder M… Russell Ballard en Pwihn en Wahnparon Ehk-riemeno kosoia, Ni en ohl oh lih akan kin kohla nan tehnpas sarawi, irail koaros kin ale kapaiki manaman ehute, iei manaman en priesthood …
“… Ohl oh lih koaros kin alahle manaman wet pwehn sewese arail mour kan. Koaros me wiadahr inou sarawi kan rehn Kauno oh kin wawauneki inou pwukat kin warehng en ale kaudial, ale kapai sang rehn tohnleng kan, karanih Koht, ale padahk unsek en rongamwahuo, oh ni imwilao iang Sises Krais sohsohki mehkoaros me Samatailo sapwellimaniki.3
Iren Pwuhk Sarawi Kapatapat kan
Soai kan en Rahn pwukat
Nan 2007, rahn pahieu mwurin lapalahn rerren en sahpw lel Peru, Elder Marcus B. Nash en Isiakan tuhong branch presiden Wenceslao Conde oh ah pwoud, Pamela. “Elder Nash idek rehn Sister Conde ia irehn nah seri tikitik kan. Liho sirei, sapengki me pwehki sang ni kupwur mwahu en Koht irail koaros kehlail oh nsenamwahu. Ih eri pil idek ia irehn imwarailo.
Liho sapengki,“‘E solahr mie.’
“… Elder Nash nda, “A kahpw sinsirei ni ata wie kosokosoi.’
“’Ehi,’ liho nda, ‘I kapakapehr oh I nsenamwahuer. Se alehier mehkoaros me se anahne. Se mihmihte, nait serihkan mihmihte, se katentengpenehier nan tehnpas sarawi, se ieiang Mwomwohdiso kaselel wet, oh Kauno ketket te reht. Se kak pwurehng kawada imwat ki sawas sang Kauno.’ …
“Dahme kahrehda ni atail kin wiahda oh kolokol inou kan rehn Koht kitail kin kak kehlail oh kin sirei nan ansou apwal oh kahrehda atail powehdi kahpwal … ?”
“Koht me kahrehda.” Kitail kin ale manaman wet sang nan atail inou kan me kitail wiahieng Ih.4
© 2016 sang Intellectual Reserve, Inc. Kolokol pwuhng koaros. Ntingdahr nan USA. Kamanaman ong lokaiahn wai: 6/15. Kamanaman ong kawehwe: 6/15. Kawehwehpen Visiting Teaching Message, June 2016. Pohnpeian. 12866 885
Medewe Met
Ia mwoamwen en tiahk sarawi oh inou kan en tehnpas sarawi kin kiong kitail kehlail oh manaman?