Serem Hapines we I Nosave Finis

Wan long ol gudfala samting abaot gospel hem i save ia blong plan blong sevem man. Yumi gat gudfala janis ia blong stap wetem famli blong yumi blong taem we i nosave finis. Save ia i helpem yumi blong gat hop long ol taem we wol i stap draonem yumi. Presiden Aering i tijim, “Papa blong yumi long Heven we i lavem yumi tumas i save ol hat blong yumi. Stamba tingting blong Hem hem i blong givim yumi hapines (luk long 2 Nifae 2:25). Mo afta hem i givim presen we i Pikinini blong Hem blong mekem i posibol glad blong ol famli i save gohed foreva. … Hem i wan samting we evri pikinini blong God we i kam long wol i save gat raet long hem. ”

Blesing ia hem i blong yumi evriwan we i stap laef naoia mo olgeta we oli bin pas i go finis—be tru long help blong yumi nomo. Ol bubu blong yumi long spirit wol naoia, oli stap wet long yumi blong rere long ol nem blong olgeta blong ol tempol odinens we bae oli mekem long bihaf blong olgeta. Be samtaem hem i had blong mekem wok blong olgeta. Maet yumi bisi tumas, o yumi stap farawei tumas long wan tempol blong save go oltaem.

Laki se i gat ol narafala wei we yumi save helpem ol bubu blong yumi, olsem mekem famli histri wok, indeks, o lukaotem ol smol pikinini taem ol papa mo mama oli go long tempol. Tru long help ia, yumi stap givim seves long Lod mo karem hop blong wan famli we i nosave finis i go long olgeta we oli stap narasaed long vel.