Naan in Katak an Kōrā, Jeptōm̧ba 2016
Kōkkaajriri Ej juon Eddo Ekwojarjar
Kanooj jar ilo am̧ ekkatak kōn katak in im pukōt n̄an jeļā ta eo kwonaaj kwaļo̧k. Ewi wāween naaj meļeļeki “Baam̧le Eo: Juon Naan in Kean̄ n̄an Laļ in” kōļapļo̧k tōmak eo am̧ ilo Anij im kōjeraam̧m̧an ro kwoj mije ilo am̧ loļo̧k im katakin er? N̄an meļeļe ko reļļapļo̧k, etal n̄an reliefsociety.lds.org.
Jemedwōj Ilan̄ eaar ejaki baam̧le ko n̄an jipan̄ kōj kwaļo̧k pedped in katak ko rejim̧we ilo juon wāwweein iakwe. Būreejtōn Thomas S. Monson eaar ba: “Leļo̧k n̄an ajri eo nejūm̧ nōbar ilo wāween atbo̧kwōje; ba, ‘Ij iakwe eok’ eļapļo̧k; aolep iien kwaļo̧k am̧ kam̧m̧oolol. Jab kōtļo̧k an jorrāān ļapļo̧k jen armej eo kwoj iakwe.”1
Susan W. Tanner, kar būreejtōn eo eutiej an Doulul eo an Jiron̄ Ro, eaar kwaļo̧k: “Jemedwōj Ilan̄ eaar kwaļo̧k jon̄ok eo jej aikuj ļoore. Ej iakwe kōj, katakin kōj, ej kijenmej ippād, im ej leke kōj kōn anemkwoj eo ilo kōj. … Jet iien kipel, eo meļeļein ‘n̄an katakin,’ ej pok ippān kōraat. Ajri ro—im aolep armej jekdo̧o̧n iiō rot—remaron̄ kōkm̧anm̧anļo̧k m̧wilieer kōn iakwe im kōļapļo̧k nōbar ijelo̧kin pukot ruwōn doon.”2
“Eļan̄n̄e jej lukkuun kōm̧m̧ane jar an baam̧le, katak jeje ko rekwojarjar, nokon in jota an baam̧le, kōjeram̧m̧an ko an priesthood, im kōjparok raan in Jabōt,” Elder Quentin L. Cook jān Doulul eo an Jon̄oulruo Rijilōk ro eaar ba, “ajri ro nejid renaaj … kōppopo n̄an juon kapijuknen eo indeeo ilo lan̄, ekkar n̄an ta eo ej waļo̧k n̄an er ilo juon laļ eo ean̄jiwiwi.”3
Bar Jet Eoon Ko
1 Nipai 8:37; 3 Nipai 22:13; Katak im Bujen ko 93:40; 121:41
Bwebwenato ko Raan Kein
“Iaar riiti nuuj peba eo ke juon iaan ļaddik ro jibū ej jijet tok iturū,” Elder Robert D. Hales jān Doulul eo an Jon̄oulruo Rijilōk ro eaar ba. “Ke ij riit, iaar m̧ōņōņō in ron̄ an ekeroro. Kōn aō bwilōn̄, jidik iien tokālik, eaar bōjrak jidik ritok kōtaaō im peba eo. Jibwe meja kōn pein im keitaak tok botin n̄an botū, im ba, ‘Jim̧m̧a! Kwopād ke ijo?’
“… Pād ijo meļeļein meļeļe būruwōn jo̧dikdik ro nejid im m̧ad ippāer. Mad ippāer ejjab meļeļein bwebwenato wōt ak kōm̧m̧ani men ko ippāer barāinwōt. …
“Jej aikuj pepe im bōk jidik iien n̄an katakin. …
“… Toon wōt aō mour, im toon wōt aō kile iien ekkatak ko ke ij jo̧dikdik, eļaptata men ko jinō im jema raar letok, raar kepooj mour e aō bwe in āinwōt in.”4
© 2016 jān Intellectual Reserve, Inc. Aolep jim̧we ko rej pād ippān. Jeje ilo USA. Kōmālim ilo kajin English: 6/16. Kōmālim an ukook: 6/16. Ukook eo an Visiting Teaching Message, September 2016. Marshallese. 12869 874
Ļōmņak kōn Menin
Etke gospel in em̧m̧antata kwaļo̧k kōn kajin im waanjon̄ok in iakwe?