Reirei mairoun te Tina

Tamnei

lessons from mother

Ngke I ikawairake, n te tai are e reke iai ara mwane, tinau e ana te kabanea n tamaroa ni mwane—teuana are e aki mwanunu ke ni bareka—ao e anga nakon te minita n te ekaretia are ti nako iai. Aio e kakaraoia inanon maiuna. E taku, “Aio ana bwai te Atua.” Taeka akanne a tiku irou man te tai anne. Ngke I bwabetitoaki nakon ana Ekaretia Iesu Kristo Ibukiia Aika Itiaki ni Boong aika Kaitira, e bon aki matoatoa irou bwa N na kabwaka au kabwianibwai ibukina tinau e a tia n reireinai bwa N na ongotaeka nakon te tua.

Tinau e reireinai naba bwa N na kokoaua, riki ngkana e nanonaki ni karaoan bwaai aika kaangaanga. Kaain rarikira a uniki aekakin nako kain amwarake ao aroka aika buki. N tabetai ana uanikai a rikirake n iteran ara oo. N te taina I kinika uaan te aroka ao ni uotia nakon tinau. E taraai man taku, “Anne tiaki ara bwai.” I aki kona ni kakoaua. I taku, “Tera ae ko kananona? E mena n iteran ara oo!” E a manga taekinna riki, “Anne tiaki ara bwai.” Ngkanne e ana baiu, ao ti nakonako nakon aia auti kaain rarikira. Ti bubuti kabwaraan ara bure ibukin anaakin aia uanikai. Tinau e taku bwa ngkana ti kainnanoa te bwai teuana, ti riai ni karekea ma te kokoaua.

Tao am karo tiaki kaain te Ekaretia, ke ko aki iraniia n tainako ma aia rinerine. Ko kona n teimatoa n reiakin reirei aika koaua mai irouia, n aron te kokoaua, katabeaki, riki n toronibwai, ao te mwakuri korakora. Reirei akanne a na riki bwa kakabwaia aika a korakora inanon maium.