Tala ia Iesu
E Alofa Iesu ia te A’u
Ao lei faia le lalolagi, na tatou ola i le lagi ma o tatou matua faalelagi ma lo tatou Uso matua, o Iesu. Sa matou fiafia, ma sa matua alofa le tasi i le isi.
I se tasi aso na tau mai e le Tama Faalelagi ia i tatou o le a ia faia se lalolagi mo i taotu e nonofo ai. Sa Ia silafia o le a tatou le tausia Ana poloaiga i nisi taimi ao tatou i ai i le lalolagi. O le a tatou manaomia se Faaola e fesoasoani ia i tatou ina ia toe foi atu ai ia te Ia. Na filifilia Iesu e le Tama Faalelagi e avea ma o tatou Faaola.
Ina ua afio mai Iesu i le lalolagi, na Ia faaali mai ia i tatou le ala sao e ola ai. Sa ia fesoasoani i tagata. Ma sa Ia aoao i latou ia alofa le tasi i le isi.
Sa puapuagatia Iesu i le faatoaga o Ketesemane ma luga o le satauro. Sa Ia faia lenei mea ina ia mafai ai ona tatou salamo ma ina ia mafai ai ona tatou toe feola pe a mavae ona tatou feoti.
Ina ua ou aoao e uiga ia Iesu, na ou lagona Lona alofa mo au.