Ami Mma- Mbebem-iso Nnam Ubiere

Ke inikiet ami mma mbo eti ukpebnkpo ke class Nkaiferi Iban kabanga ndifara-ke idem nsana-mma—ibuot ukpebnkpo emi akanamde ediwak iwaad ekop but ke mkpoitie mmo. Ami ntihe ofuri-nkpo se ami nkekpeb ke usen oro, edi ami mmeti nte adausung mi eketingde abanga kiet kotu ubiere eke idem esie—ndidu ke mfara-ke-idem nsana kpukpru ini. Mme iko esie ama oduk esit mi, ndien ekem ami ndinam ata ubiere ndida emi nte kiet kotu ufon-nkpo nno idem mi.

Ke usen kiet ke nte ami nkesangade ke bus nto ebiet mbre kiet nnyong ufok, owo kiet ke esit bus oro ama otongo mbre ndidomo ndaha ye akpaniko eke mme owo. Ye ekaha, ami ye usuk ndito eken ima iduk mbre oro. Edi ekedisim ke ebiet mi, ekedong ete yak ami nnam nkpo eke ami mfiokde nte ke ifonke. Emi ekpekedi okposong ubiere ono mi ndinam, edi mme iko adausung Nkaiferi Iban oro ama oduk mi ibuot, ndien mbumek oro ama emem ono mi ndinam. Ke usop-usop ami mma nsin ndinam nkpo oro. Ami mma mbebem-iso nnam ubiere ke ekikere mi ke se ami ndinamde ke oruk ndaha oro.

Ami mmediongo nte ke ini nnyin ikade ufok Abasi inyung inam mme nkpo eke ekpebde nnyin do, ke nnyin iyebo ufon ke ndinyene akamba osongo ke spirit ye ukpeme emi edisiode nnyin ke idomo eke ererimbot.