Ukeme Odudu Jesus Christ ye Erisio-isop Esie

“Mmenyene ukeme ndinam kpukpru nkpo ke odudu Christ Andisongo mi idem” (Philippians 4:13) President Dieter F. Uchtdorf, Udiana Onoitem ke First Presidency eketing ete, “Okposuk edi nte kpukpru nnyin inyenede mmem-idem, nnyin imekeme ndikan mmem-idem oro.” “Ke akpaniko oto ke mfon Abasi emi, edieke nnyin isuhore-idem nnyin inyung inyene mbuotidem, mme ndimem-nkpo eyekabare enyene osongo.”¹

Andinyanga nnyin eting ke Nwed Doctrine ye Covenants ete: Ami nyeda mbufo kiso nka. Ami nyedu ke ubok nnasia ye ubok ufien mbufo, ndien Spirit mi eyedu ke esit mbufo, ndien mme angels mi ekanare mbufo ekuk, ndikpeme mbufo” (DC 84:88).

Elder David A. Bednar eke Eboho mme Apostles Duopeba eketing ete ke, “Nephi edi uwutnkpo eke owo kiet emi okodiongode, ofiok, onyung obuot-idem ke ukeme odudu eke Andinyanga. “Ndito-eka iren eke Nephi ema ebop enye ke uruk enyung eduak ndiwot enye. Mbok ti akam eke Nephi ete: ‘O Jehovah, nte asanagade ye mbuotidem mi ye Afo, nte Afo eyeyak mi esin ke ubok ndito-ete mi; edi ntre, edi nno mi odudu ndikpok uruk emi ebopde mi’ (1 Nephi 7:17; efiak eyiri-eting).

“… Nephi ikobongke akam iyom ekpuho idiok ndaha esie. Nte ededi, enye okobong-akam oyom odudu man okpuho idiok ndaha esie. Ndien ami mmonim ke enye okobong akam ke oruk usung emi koro enye ama odiongo, ofiok, ndien ama enyene-ifiok abanga odudu ukeme eke Erisio-isop.

“Ami nkereke ke uruk emi ekedade ebop Nephi okowoworo ke ubok ye itong-ubok Nephi osop. Nte ededi, ami nkere ke enye ama obo mfon eke ndiyiri ye osongo idem esie emi akande ata odudu esie, emi anamde enye ndien dian “ye odudu Jehovah’ (Mosiah 9:17) anwana onyung afiahare onyung eyiri ke uruk oro, ndien ke akpatre onyung ekeme nditat uruk oro.”²