Mau mana’o nō te pureraʼa pō ʼutuāfare
I roto i teie ve’a tē vai nei te mau parau pāpa’i ʼe te mau ʼohiparaʼa ʼo te nehenehe e faʼa’ohipahia nō te pureraʼa pō ʼutuāfare. Teie e piti hi’oraʼa.
« ’Ua ʼite rātou Iāna », ʼapi 58 : I muri aʼe i te taiʼoraʼa i te ʼāʼamu ʼei ʼutuāfare, e nehenehe tā ʼoutou e tuatāpapa i te mau rāveʼa e nehenehe ai ia ʼoutou ’ia riro ’ei mau ʼite nō te Mesia noa atu e ’aita ʼoutou i ʼite mata atu Iāna. E nehenehe tā ʼoutou e feruri i te mau manaʼo nō te haʼafātata atu ā i te Faʼaora mai te ʼimiraʼa i te mau rāveʼa ’ia tāvini i te mau tītīhoria, te haʼapiʼiraʼa nō niʼa i te oraraʼa ʼo te Faʼaora i roto i te tuatāpararaʼa i te pāpaʼiraʼa moʼa, te haʼapaʼoraʼa ānei i te tamariʼi ʼa te hōʼē nā ta’ata fa’aipoipo ’ia haere raua i te hiero, ’aore rā e haere atu e tauturu i te hōʼē hoa tei roto i te fifi. E nehenehe atoʼa ʼoutou e mātaʼitaʼi i te video e ʼitehia i ni’a i te mormon.org/easter.
« ’A faʼaineine nō te hiero i te mau mahana atoʼa », ʼapi 69 : E feruri paha ʼoutou i te faʼatupu i te hōʼē « pō nō te ʼāʼamu ʼutuāfare ʼe te hiero » nō te pureraʼa pō ʼutuāfare. E nehenehe tā ʼoutou e haʼapiʼi nāhea ’ia ʼīriti i te mau iʼoa ’e ia māʼimi i te mau parau tuatāpaparaʼa ʼutuāfare ’aore rā ’ia tuatāpapa i te faufaʼa rahi nō te mau ’ōroʼa nō te hiero ’e ’ia hiʼo i te mau hōhoʼa nō te mau hiero nā te ao nei. Mai te mea tē ora nei ʼoutou i piha’i iho i te hōʼē hiero, e nehenehe tā ʼoutou e haere atu e mātaʼitaʼi i te ʼaua ʼo te hiero ʼe ’ia tuatāpapa e nāhea te mau hiero e haʼafātata atu ai ia tātou i te Metua i te Ao ra ʼe ’ia tauturu ia tātou ’ia ʼite i Tōna ra here.