Odudu eke Nwed Mormon

Mme ndima ndito eka iren ye iban, mekom mbufo ata eti eti nte nnyin ifiakde isobo ke akwa mbono ofuri owo eke Ufok Abasi Jesus Christ eke mme Ndisana-owo ke Ukpere-edem Ini. Mbemiso ami ntongo ata etop mi mfin, ami nyema ndisian mbufa temple ition emi edibopde ke mme ebiet emi: Brasília, Brazil; akamba Manila, Philippines, ebiet; Nairobi, Kenya; Pocatello, Idaho, USA; ye Saratoga Springs, Utah, USA.

Usen-ubok emi ami nting mbanga odudu Nwed Mormon ye akpan ibiong utom emi nnyin inyenede nte mbon ufok Abasi ke ndidungode, nkere-ke-esit, nyung nsin mme ukpepnkpo esie ke uwem nnyin. Owo ikemeke nditing kpukpru ufon odude ke ndinyene akpan-akpan ye nsongonda iko ntiense mbanga Nwed Mormon.

Nnyin idung ke eyo akwa afanikong ye ibak. Nso idinyangde nnyin isio ke idiok nkpo emi odude ke ererimbot mfin? Ami ndoho nte ke okposong iko ntiense ke abanga Andinyanga nnyin, Jesus Christ, ye iko Abasi Esie eyenwam nnyin ndiboho. Edieke mbufo mikotke Nwed Mormon kpukpru usen, mbok nam ntre. Edieke edikotde enye ye akam ye ata udong ndidiongo akpaniko, Edisana Spirit eyemen enye ono mbufo. Edieke edide akpaniko—ndien ami mmetie ntiense nte ke edi akpaniko—ndien Joseph Smith ekedi prophet emi okokutde Abasi Ete ye Eyen Esie, Jesus Christ.

Ke ntak emi Nwed Mormon edide akpaniko, Ufok Abasi Jesus eke mme Latter-day Saints edi Ufok Abasi Obong ke isong, ndien ema efiak emen edisana idaha oku eke Abasi edi ke ufon nnyin ye ke ndidiong ndito Esie.

Edieke munyeneke ata iko ntiense ubanga mme nkpo emi, nam se ekpenade nte anam man enyene enye. Edi akpan-nkpo ete mbufo enyene iko ntiense fo ke okposong ini emi, koro iko ntiense eke mbon efen editre fi ke usung. Edi, ini kiet ekededi emi enyenede enye, ana etim enim iko ntiense enyung eno enye uwem ke ndinim mme mbet Abasi kpukpru ini nto akam ke usen ke usen ye ke ndidungode nwed Abasi.

Mme ndima nsanga mi ke utom-Obong, ami mmebenge nte yak nnyin owo kiet-kiet ibong-akam idungore inyung ikere-ke-esit ibanga Nwed Mormon k’usen-k’usen. Ke ini nnyin inamde ntre, nnyin iyekan ikop uyo spirit, ndiboho idomo, ndikan ndik, ye ndibo unwam otode heaven ke uwem nnyin. Ami ntie ntiense mbanga emi ke ofuri esit akpaniko ke enying Jesus Christ, amen.