O Se Faifeautalai e Aunoa ma se Pine

Ata

teenage girl in school

I le aoga e i ai sau faiaoga e i ai le ituaiga o uiga e ono fefe ai se tagata pe a fetufaai manatu fete’enai i se mataupu. I se tasi aso na matou oo atu ai i le autu o faifeautalai a le AAG. Ou te iloa e mafai ona ou taliina ana fesili, ae sa ou lagonaina e pei e le tatau ona ou faia. O lea sa ou fai atu ai ia tau lava ina ia faamalieina ai o ia mo le taimi nei.

Mo nai vaiaso na sosoo ai sa le mafai ona taofia lo’u mafaufau e uiga i la ma’ua talanoaga. Mulimuli ane, na oo mai se manatu ia te au e tatau ona ou avatu ia te ia se Tusi a Mamona ma ni nai fuaitau ua faailoga valivali e faatatau i le galuega faafaifeautalai. Sa ou fefe i lea manatu, ae sa faaauau pea. Sa ou iloa ai o se uunaiga e tatau ona ou mulimuli ai.

Pe tusa o le lua masina mulimuli ane, sa ou saunia ai le Tusi a Mamona. I le aso atoa sa ou lagonaina e pei o le tusi na mu ai se pu i lau ato faafafa. O le tolu sekone lea sa ou tuuina atu ai ia te ia [le Tusi a Mamona] ae ou tuua loa mo malologa o le taumalulu, sa avea lea ma se taimi sili ona taufaafefe i lo’u olaga.

I le aso muamua na ou foi mai ai, sa ou pasia lona potu aoga ae sa ou fefe ou te alu i totonu. Ona ou faalogo atu lea o valaau mai ia te au, ma na ia tuuina mai ia te au se kata. Sa ou faitauina i le ala savali. Sa ia tusia e faapea, sa ia suesueina “umi” ia fuaitau sa ou faailogaina, ma na amata ona ia iloa nisi o mafuaaga ia na faavae i ai lou faatuatua.

Ua ou fiafia lava e faasoa atu le talalelei i le taimi nei, ma ua sili lava lou fiafia e auauna atu i lou Tama Faalelagi i se misiona i se taimi lata mai.