Mga Bata nga Buotan
Paghimo og mga Monyeka, Paghimo og Pagpakighigala
Hi! Ako si Jackson, gikan sa Germany, ug mao kini ang akong igsoong lalaki, si Josiah, ug ang akong igsoong babaye, si Cora Jade.
Usa ka Nindot nga Ideya
Daghang tawo ang moadto sa Germany kon dili na luwas didto sa ilang mga nasud. Gitawag sila og mga refugee. Ang mga bata walay mga dulaan, mao nga ako silang gihatagan sa akong dulaan. Dayon duna koy nindot nga ideya. Nangutana ko sa akong mama kon pwede ba mi nga maghimo og mga monyeka alang nila.
Pagpanahi uban ni Mama
Ganahan kong magtahi uban sa akong mama. Giduot nako ang pedal sa makinang igtatahi ug gibutang ang stuffing sulod sa mga monyeka.
Makapalipay nga mga Sulat
Ang akong pamilya nangolekta og pipila ka sinina ug mga dulaan aron ihatag sa mga refugee dinhi. Nagdrowing mi og mga hulagway alang nila mahitungod sa mga butang nga makapalipay namo.
Bag-ong mga Higala
Gidala namo ang mga monyeka ngadto sa mga refugee camp ug mihatag niini sa mga bata didto. Ganahan kong makakita og bag-ong mga higala!
Ako Anak sa Dios
Nanganta sila alang namo, ug mitukar mi og mga instrumento alang nila. Pipila ka mga tawo kinsa naguol mipahiyum sa dihang gitukar namo ang “Ako Anak sa Dios.” Nindot gayud kaayo ang akong gibati.
Si Jesus Nahigugma Kanato
Ang mga bata nga among nahimamat sama gayud namo sa daghang mga paagi. Kaming tanan ganahan nga mokanta ug nagkuha og mga dulaan ug nagdula sa gawas. Nasayud ko nga si Jesus nahigugma kanila, ug Siya nahigugma kanako.
Alang sa dugang nga mga ideya sa pagserbisyo sa mga refugee sa inyong dapit, bisitaha ang lds.org/go/61775.