Okworo-iko Abasi emi miyirike Idiongo-enying

Ami mmenyene andikpeb kiet ke ufoknwed emi enyenede oruk edu-uwem eke akapanamde owo okop-ndik ke ndibuana ukpebnkpo ibuot-iko efen ye enye. Usen kiet nnyin ima ineme ibuot-iko eke mme okworo-iko Abasi Latter-day Saint. Ami mma ndiongo ke ami mmekeme ndiboro mme mbume esie, edi ami nkere nte ke mkpeboroke. Ntem ami mma nting ekpri iko man oyuho enye ke ndaha ini oro.

Ke mme urua ifang emi eketienede ami nkekemeke nditre edikere mbanga nneme nnyin oro. Ke akpatre, ami ndikere ete ke ami nnyene ndino enye Nwed Mormon ye ndiwut esisit udim-iko ifang emi etingde-iko abanga utom ukworo-iko Abasi. Ekikere oro ama enyek mi idem, edi ekikere oro ke akaka-iso ndituak mi. Ami mma ndiongo nte ke oro edi uyo-spirit eke anade nte ami ntiene.

Ke ufang ofiong iba efen, ami mma mbengeidem ye Nwed Mormon. Ofuri usen oro ekebiet nte ke nwed oro ke atata-ikang otibe-ndudu ke esit ekpat nwed mi Mme ekpri mbio-ubok minit ita oro eke ami nkedade nyak nwed oro nno enye nte ami nkade nduok-odudu ke ini etuep oro ekedi ini okposong ndik emi okponde akan ke uwem mi.

Ke akpa usen eke ami nkenyongde ndi, ami mma nsanga mbe ke ubet ukpebnkpo esie edi ndik ama anam mi ntre ndibe nduk. Ekem ami nkop nte enye odongde ete ekot mi, enye onyung ono mi card kiet. Ami mma nkot card oro ke usung ubet-ufok oro. Enye ekewet ete ke imo ‘’imeda anyan-ini’’ ikoot mme ebiet eke ami nkedidbede, ndien ke imo imetongo ndikut ubak mme ntak eke mbuotidem mi edide ntre.

Ami mmekop inem ke ndibuana iko Abasi idahemi, ndien ami mmokop oyoho inemesit ke ndinam utom nno Ete mi ke Enyong ke ndika mission ke ini iso.