Etop Ndikise Iban eke Ofiong Itiokiet, ke isua 2017
Odudu Itie oku oto ke Ndinim mme Ediomo
Bong akam kpeb nkpo emi ndien yom ndidiongo se ekpebuanade. Didie ke ndifiok ntak emi Relief Society odude edibenge ndito-iban eke Abasi idem ono mme edidiong eke nsinsi uwem?
Mbuotidem, Ufokemana, Unwam
Elder Neil L. Andersen eke Eboho mme Apostles Duopeba okodoho ete: Etop mi eke nnode … kpukpru owo edi ke nnyin imekeme ndidu- uwem ke ofuri ini ‘ibo edidiong ye nsongo-nda eke odudu itie oku,’ ke suto ndaha nnyin ekpedide.’’“
… Nte mbufo etimde ebuana ke mme edinam itie oku, Jehovah eyeno mbufo akamba osongo, emem, ye nsinsi idorenyin. Ke suto ndaha mbufo ekpedide, ufok mbufo eyebo edidiong oto ke osongo odudu itie oku.’’’1
Didie ke nnyin ikpeda odudu itie oku isin ke uwem nnyin? Elder M. Russell Ballard eke Eboho mme Apostles Duopeba editi nnyin ete ke “mbon emi ema ekeduok mmong ndien edikem ebo endowment mmo ke ufok Jehovah edot ndibo mme inem ye nti edidiong emi. Endowment edi ukem-ukem eno eke odudu … [ndien] Ete nnyin ke Enyong ayak eno Esie ono ke ntatubok.’’ Enye editi nnyin ete ke irenowo ye iban “mbiba ebo ukem eno emi’’ ke temple, “emi oworode kedi odudu itie oku.’’2
Linda K. Burton, Akwa Ada-ibuot Nka Iban, okodoho ete: “Sia odudu itie oku edide nkpo emi kpukpru nnyin iyomde ndinyene ke mme ufokemana ye ke ufok nnyin, nso ke nnyin inyene ndinam man ida odudu oro isin ke uwem nnyin? Edinen-ido eke idem nnyin edi akpan-nkpo ke ndinyene odudu itie oku.’’3
Edieke nnyin ikade iso Abasi ke nsuhore-idem, inyung iyom ete Enye ekpeb nnyin , Enye eyewut danga nte nnyin idikoride ke ndibo odudu President Russell M. Nelson, Ada-ibuot eke Eboho mme Apostles Duopeba okodoho ete.4
Itie Nwed Abasi ye Etop Efen
1 Nephi Ita 14:14; Doctrine ye Covenants 132:20; reliefsociety.lds.org
©2017 eketode Intellectual Reserve Inc. Ekpan kpukpru unen ndiming nwed emi. Ekeming ke USA. Enyime edikabare ke Iko Mbakara: 6/16. Enyimme Ndikabare: 6/16 Edikabare Etop eke Visiting Teaching Message, June 2017. Efik. 97926 553