E Dua na Daukaulotu e Sega nona iVakatakilakila

E a nona ivakarau ni bula e dua na noqu qasenivuli e koronivuli me dau vakarerea e dua e vakaraitaka na veivakasama e saqati kina e dua na ulutaga. Dua na siga keimami a veivosakitaka na ulutaga baleti ira na daukaulotu ni Yalododonu Edaidai. Au sa kila tu niu a rawa ni sauma na veika a vakataroga, ia au a vakasamataka meu kakua. Au sa mani kaya ga eso na ka me vakalomavinakataki koya toka kina.

Ena vica na macawa e tarava au a sega ni tarova rawa na noqu vakasamataka tiko na neimami veivosaki oya. Ni oti o ya, sa lako mai vei au e dua na vakasama meu sa na solia vua e dua na iVola i Momani ka makataki toka e so na kena malanivosa me baleta na cakacaka ni kaulotu. Au a rerevaka na vakasama o ya, ia au sa vakauqeti tikoga. Au kila kina ni sa veivakauqeti vakayalo meu na muria.

Ni oti vakalailai e rua na vula, au sa vakarautaka tu na iVola i Momani. Ena siga taucoko au vakila ni sa vaka me vakama tiko na ivola oqo e dua na qara ena noqu kato dreketi. Na tolu na sekodi au a solia kina vua na ivola niu sa gole yani ena sereki ni vula ibatabata a gauna rerevaki duadua ki na noqu bula.

Ena imatai ni siga ni oti na sereki, au a lako sivita na nona rumu ni kalasi ia au a rere ni curu kina. Ia au a qai rogoca ni kacivi au, ka solia mai e dua na kadi. Au a wilika sara ena olo. A vola ni sa vulica “vakataucoko sara” na veimalanivosa au a makataka toka, ka sa tekivu me raica na vu ni noqu vakabauta.

Au sa mai nanamaki tiko oqo ena wasea na kosipeli, kau sa nanamaki vakalevu cake sara meu qarava na Tamaqu Vakalomalagi meu sa na kaulotu yani.