Kaukauwa ni Matabete ni Maroroi na Veiyalayalati

iVakatakilakila

Relief Society seal

“Na noqu itukutuku … vei keda kece sara ni rawa ni da bula ena veiauwa ‘ka vakalougatataki ena kaukauwa ni matabete,’ se cava ga eda sotava tiko,” e kaya o Elder Neil L. Andersen ena Kuoramu ni iApositolo Le Tinikarua.

“… Ni ko sa vakaitavi ena buladodonu ena qaravi ni cakacaka vakalotu ni matabete, ena vakaukauwataki iko, vakacegui iko ka na vakabulai iko na Turaga.” Na cava ga o sotava tiko, na nomu matavuvale ena ‘vakalougatataki ena kaukauwa ni matabete.’”¹

Eda na sureta vakacava na kaukauwa ni matabete ki na noda bula? E vakavotuya vei keda o Elder M. Russell Ballard ena Kuoramu ni iApositolo Le Tinikarua ni “o ira era sa curuma yani na wai ni papitaiso ka yaco sara me ra ciqoma na nodra edaumeni ena vale ni Turaga sa vakadonui me ra taura na veivakalougatataki bula ka totoka. Na edaumeni sa dua dina na isolisoli ni kaukauwa … [ka] sa dau lomasoli mai na Tamada mai Lomalagi ena Nona kaukauwa.” Sa vakavotuya vei keda ni tagane kei na yalewa “rau sa vakaedaumenitaki ruarua ena kaukauwa vata ga” ena valetabu, “sa kena ibalebale na kaukauwa ni matabete.”²

E kaya kina o Linda K. Burton, na Peresitedi Raraba ni iSoqosoqo ni Veivukei: “Me vaka ni kaukauwa ni matabete sa dua na ka eda sa gadreva kece me tiko ena noda matavuvale kei na itikotiko, na cava eda sa gadreva meda cakava meda sureta kina na kaukauwa oqo ki na noda bula? Sa qai dodonu dina sara na bula dodonu ni tamata yadua me rawata na kaukauwa ni matabete.”³

“Kevaka eda soli keda ena yalomalumalumu kivua na Turaga ka kerei koya me vakatavulici keda, ena vakaraitaka vei keda o Koya na iwalewale me vakalevutaki kina na noda rawata na Nona kaukauwa,” e kaya o Peresitedi Russell M. Nelson, na Peresitedi ni Kuoramu ni iApositolo Le Tinikarua.⁴