Re Tamachib ni dariy e Tag rok

U skul ma bay ba sensey rog ni bay banen rok ni ma karing e murus ngak bea’ ni nge weliy banen ni de magan ngay ko fare n’en ni yibe weliy. Ere yani rebe rran ma gamad weliy marangagen e pi tamachib ko Latter-day Saint. Gumanang rog ni rayog ni ngug fulweg e pi duwer rok nem, machane gube lemnag ni dabgu rin’. Ere gu fulweg e chu’uw ni kemus ni nge nangfan ko ngiyal nem.

Ma gonopan in e wik nga m’on ma kugu be par ni ku gube lemnag e re welthin romow nem. Nge mu’, me yib rebe tafnay ngog ni ngug pii fare ke Babyor ku Mormon ngak ni kug gagayal nag e pi thin nu langgin ni be weliy marangagen e murwel ko pi tamachib. Re tafanay nem e kari e marus ngog, machane rug pii nga daken. Gumanang ni ba arar ni ke yib ngog ni thingar gu rin.

Gopanan laagruw e pul nga m’on, ma ke fel’ rogon fare ke Babyor ku Mormon. Rofen nem ma gube thamiy ni boed ni re be muruf ere ke babyor nem u kabang rog. Gonopan 3 e second ma fani yaag rog ni ngug pii fare ke babyor ngak mug fek e matal ko winter ma ire ram ba ngiyal ni rug rus nib gel.

Rofen ni somon ni kan sul nga skul, mug wan ngug pag e singgil rok ma kari gum’ ko murus ni ngug wan nga naun. Mug rungag lanam ni be piningeg, me fek ba card nge pii ngog. Mu fek nga lane hallway mu gub gu biy’eg. Ke yoloey ni ke fil “ke pag” fatin ni kug gagayal nag, ma ka fini guy boch rogon e mich rog.

Ngiyal nem ma kari gu falfalan ngay ni ngug weliy marangagen e gospel, ma kafin gu falfalan ni kug guy fan ni ngug murwel ko Chitamangiy nu Tharmiy ni ngug machib ni daki nuw nap’an.