Pong ko Murwel

Nap’an fare Prophet Joseph Smith ni pining Elder Heber C. Kimball (1801–68) ni “nge bing fare mab ko kalngan’” ni fare tamachib nu England, Elder Heber e yib ngan’ ni ir e de yal’uw ko gaf nem e murwel.

“A, Somoel,” ni yoloy, “I gag bee’ ni mo’on ni ba ma’ay bolotheg, ma kub chagil ngay ni ku dani gu yal’uw ko binir e murwel.”

Elder Kimball e ri fek e re murwel nem ni dani liyeg riy’, ma ku be ga’ar: “Tiney e banen ni gube yog e dabi gilafeg nga wuru’ e kanawo’ ko murwel rog: re ngiyal’ ni gu nang fan e murwel ko Chitamangiy nu Tharmiy, e gu thamiy ni ngar gu rin’ u fithik e riya’, ni ba mich u wun’ug ni ra ayuwegeg u gelngin e cha’ ni ba gaa’, ma ra ayuwegeg ko gubin e pi ayuw ni ba tu’uf rog.”¹

Pi walageg ni pumoon nge ppin ni kan pining med ko murwel ni machib ni gubin ngiyal, kan piningem ni ngam murwel ni bochan e gur, ni boed Elder Kimball, “e be arar nag ni murwel ku Got” (D&C 4:3) nge bochan e ke fel’ rogom ma gab bung ngay.

Yabagol ni pilibthir, kani pining mew ni ngam murwel gow ni ku ta’areb rogon fan. Gur, e rogon, mu fek ni gathi kemus ni arar rom ni ngam murwel ma kagara fek e llowan ni kam man u fithik u nap’an e gafgow, tu’ufeg, nge ku boch banen ni kam man u fithik ni rin e Chitamangiy nu Tharmiy ni ke math nga gumircha’en e pi pumoon nge ppin ni fak ni yad be gay e tin riyul. Dariy e marwar riy ni kam fil ni dabiyog ni nge tu’uf Somoel rom nge mada’ ko ngiyal ni kam fol Rok ni aram e ngam ayuweg bothi gadad.

Ni fan ko adag rom ni ngam murwel ni tamachib, ri gara puthuy e mich nge fortitude, athamagil nge mich, Tamachib nib salap e ra fek boch e mangang u nap’an ni be murwel.

President John Tayler (1808–87) e ufnguy fal’ngin e tamachib ni argon: “Tini baray e pumoon [nge ppin nge yabagol] gamad badag ni gamad e tin baray e pumoon ni gamad be yog e milwol ko gospel e bay e mich romad ku Got; ku bay romad e mich ko baney e taliw; ma gamad ma tat fan e priesthood; ni gamad e … Got e baye mich rok. …Gamad ba’adag ni pumoon e nge sug ko Kan ni Thothup and gelngin Got[,] …pumoon ni bay fan, fal’ngin, flont and bi’ech.”²

Fare Somoel e ga’ar;

“Ma amsap gad ko bayang I raad nib wechwech ni ke fel’ ni ngan togbay riy; me Somoel, cha’ ni pagan’ ko kama rok ni gelngin, e taareb rogon ni kani dugliy ma dabi mulan’, a nge yib e kalngan ko ya’al rok.

“Ma mich, athap, tu’ufeg nge adag, ma tabang a gabe sap ngay ko taw’ath rok Got, e ba yal’uw ko re murwel nem” (D&C 4:4–5).

Murwel rom e keb u fithik e tu’feg. Gube yog ni cha’ ni ra pining Got, e Got e ke yog ni rayog rok. Ra yib e ayuw ngom e tharmiy u nap’an ni gabe meibil u fithik e murwel ko fare milay ku Somoel.

Fare michmich ku Somoel ni rib macholbog ni pii ko fapi tamachib u m’on ko pii wagagay, ni boed ni bay ko Doctrine and Covenants, e gur e fanam: “Gura yan nga m’on u pe’owchem. Me yaeni paer ko ba’an mat’aw i pa’ maed nge ba’an gilaey’, ma Kan ni Thothup Rok’ e ra yib i paer nga gumircha’ daed, ma pi angel nib liyeg daed, ninge ayuweg daed.” (D&C 84:88).

Nap’an ni gabe murwel, ma gabe kunuy nga lolgem nge gumircha’em ni rib yong’ol. Dariy bayang e flang ni gumanang ni ma pii e womangin ni falfalan’ nge migid e flang ko tamachib.

Ere chiney, e ngu goeg boche thin ko elders, sisters, nge gal yabagol ni, u rogon fan, ni dar ma yag ni ngar mu’ niged e tayim rorad u nap’an e flang ko tamachib: Fare Somoel e ri gab t’uf rok. Ba magan’ ko gafgow rom. Manang fan gelngin e kireban rom. Ngamanang ni ku bay e murwel rom ni ke tay ni ngam rin. Dab mu pag Satan ni nge yog ngom nib reb. Dab mu man nga but’, dabi dalib anum, dabi mul anum.

Nap’an ni gu yaliy e general conference ni chugur ni aram e ngan piningeg ni ngug yal’uweg e Galesia: “Dab mu digow. Ngarim falfalan’. Tin ni bay nga m’on e ba fel’ ni boed rogon e mich rom.”³ Fare mich e kubay ni kan tay ni fan ngom. Ere dabi mul e mich rom, ya Somoel e dawori mul e mich rom rok. Mu fol ko motochiyal ma gabe yan nga mon.

Re fayleng ney e ba tu’uf e gospel ku Yesus Kristus. Nge yibley med Somoel ni gimed gubin e pi’in thothup—ni demutrug rogon e gin ni gimed be murwel riy— ni bay amthun e machib u gumirchamed.