Weteaki nakon te Mwakuri

Ngke te Burabeti Iotebwa Timiti e wetea Unimwaane Heber C. Kimball (1801–68) ni “kauka mataroan te kamaiuaki” bwa te mitinare i England, Unimwaane Kimball e namakin namakin aika korakora n te aki tau.

“O, te Uea,” e koreia, “Bon te mwaane ngai n te wii n takutaku, ao n arou ni kabane I aki tau nakon te mwakuri.”

Unimwaane Kimball e butimwaea te wewete e ngae ngke iai kaitara, n reitia, “Iango aikai aki kararoai man kawain te tibwanga, n te tai ae I ataa ana kaantaninga te Tama are i Karawa, I namakina te ungannano bwa n na nako n aki tabe ma taian kaangaanga, ni kakoauaana bwa E na boutokaai ni mwaakana ae korakora, ao n anganai konabwai aika I kainnanoi.”¹

Tariu ao mwaneu aika kairake aika a weteaki nakon te mwakuri ni mitinare ae bwanin taina, kam weteaki nakon te mwakuri ibukina bwa ngkami, n aron Unimwaane Kimball, iai nanomi ni kan beku ibukin te Atua (taraa D&C 4:3) ao ibukina bwa kam tauraoi ao kam tau.

Taanga aika kaara, kam weteaki nakon te mwakuri ibukin naba anne. Ngkami, ibukin anne, kam uota tiaki tii te nano ni beku ma te wanawana are kam karekea man ami tai n anganano, tangira, ao n rinanona are e kona Tamami are i Karawa ni kabongana n riingi nanoia Natina mwaane ao aine aika a ukoukora te koaua. N aki nanououa kam a tia n reiakinna bwa ti aki kona n tangira te Uea ni koaua ni karokoa ti beku ibukina man buokaia tabeman.

Ni kaineti ma nanomi ni beku bwa mitinare, kam na karina te onimaki ao te unganinano, te ninikoria ao te konabwai, katoki kaangaanga ao ni kai marurung, nanomwaaka ao te nano ae korakora. Mitinare aika a bane nanoia a kona ni uotii kakai n aia tabo ni mwakuri.

Beretitenti John Taylor (1808–87) e kakimototoa n taekin kakaawakin aroia mitinare n te aro aei: “Aekaki ni mwane [ao n aine ao n taanga] ake ti tangiriia bwa taan uouota te euangkerio aio bon mwaane aika iai aia onimaki iroun te Atua; mwaane aika iai aia onimaki n aia aro; mwaane aika a karinea aia nakoa n ibonga; mwaane aika … e onimakiniia te Atua. … Ti tangiriia mwaane aika a kaonaki n te Tamnei ae Raoiroi ao ni mwaakan te Atua[,] … mwaane ni karineaki, etieti, tamaroa ao n itiaki.”²

E a tia ni katanoata te Uea:

E a mainaina n tawa ngkai te nne n aroka nakon te taiaki, ao ane karina ana biti n koro wiita ma korakorana e kaikoi bwa e aonga n aki mate, ma ni karekea te kamaiuaki nakon tamneina;

Te onimaki, te kantaninga, te tangira, ma ni mata teuana nakon mimitongin te Atua, e kakabwaiaia bwa a na kona ni karaoa te mwakuri (taraa D&C 4:4–5).

Weteami e roko rinanon te kairi mai ieta. I kakoaua bwa are e weteia te Atua, e kakabwaia naba bwa e na kona ni karaoi bwaai ake e tangiria bwa a na karaoia. Kam na karekea te ibuobuoki mai karawa ngkana kam tataromwaaka ni beku n ana tawaana te Uea.

Te berita ae tamaroa are e anga te Uea nakoia mitinare ni moan bongin taai aikai, are e nooraki n Doctrine ao Covenants, a na riki bwa ami bwai: N na rimoami. bwa E na mena i angataira ao i angamaingira, ao Tamneina E na mena inanora, ao Ana katobibiira Ana anera, n tabeki ngkami rake” (taraa D&C 84:88).

Ngkai kam beku, kam na karikirakei ururingaki n aki toki ao n tatangiraki. Akea te tabo ae I ataia ae kariki uaa aika kakukurei nakon taabo ake kam mwakuri iai.

Ngkai, te taeka ibukiia mitinare mwaane, tititati, ao taanga ake, ibukina aika a mwaiti, a kona n aki kabanea aia tai ni karaoi tabeia n aia tabo ni mitinare: Te Uea e tangirii ngkami. E kakaitau n ami anganano. E atai aki raun nanomi. Ataia bwa E teimatoa ni karekei mwakuri ibukimi bwa kam na karaoi. Tai kariaia Tatan bwa e na tuangi ngkami kaitaraan aikai. Tai nanokawaki, tai kabwarai nanomi; tai kua.

Are I nooria n te maungatabu ni kabuta n te tai ae uarereke imwiin are I weteaki iai bwa N na kaira te Ekaretia: “Tai maaku. Kabebetei Nanomi E oota taai aika a na roko n ai aron ami onimaki.”³ Te berita anne e teimatoa ni koaua ibukimi. Ngaia are tai kabuai ami onimaki, ibukina bwa te Uea e aki kabua ana onimaki iroumi. Kawakin ami berita ao waaki nako.

Te aonaaba e kainanoa ana euangkerio Iesu Kristo. E na kakabwaiaia ni kabane te Uea aika Itiaki—n taabo nako ake a beku iai—ma te nano ni mitinare.