Rongorongo ni Kakawari n Reirei, Tuun 2017
Mwaakan te Nakoanibonga Rinanon Kawakinan Berita.
Tataromwaaka ni kamatebwaia te bwai n reirei aei ao ukoukora ibukin te kairi mai ieta ni kan ataia bwa tera ae ko na tibwauaia. E kanga ataakin te kantaninga n te Bootaki n Aine ni katauraoia natin te Atua aine ibukin kakabwaia n te maiu ae akea tokina?
Onimaki Utu Buoka
“Au rongorongo nakoia … ni kabane bwa ti kona ni maiu ni katoa aoa ‘ni kakabwaiaaki man korakoran mwaakan te nakoanibonga,’ n aro nako ake ti mena inanona,” e taku Unimwaane Neil L. Andersen man te Kooram n Abotoro n te Tengaun ma Uoman.
“Ngkai ko tau n iri waaki n ana otenanti te nakoanibonga, te Uea e na anganiko riki ae bati te korakora, te rau ao te taratara ae akea tokina.” N aro nako ake ko mena inanona, ni mweengam e na ‘kakabwaiaki man korakoran mwaakan te nakoanibonga.’”1
Ti na kanga ni kaoa mwaakan te nakonibonga inanon maiura? Unimwaane M. Russell Ballard man te Kooram n Abotoro n te Tengaun ma Uoman e kauringiira bwa “naake a tia ni bwabetitoaki ao ni karekea aia entaumente n ana auti te Uea a kona ni karekea mwaitin ao tamaroan te kakabwaia aei. Te entaumente bon mwaakan te bwaintangira … [ao] Tamara are i Karawa e mwamwannano ni Mwaakana.” E kauringiira bwa mwane ao aine “a uaia ni kakabwaiaki ma te mwaaka ae titebo” inanon te tembora, “are kabwarabwaraana bon mwaakan te nakoanibonga.”2
Linda K. Burton, Beretitenti ni Kabuta n te Bootaki n Aine, e taku: “Ngkai mwaakan te nakoanibonga bon te bwai are ti bane n tangiria ni karekea inanon ara utu ao mweengara, tera ae ti riai ni karaoia bwa ti na kaoa te mwaaka anne inanon maiura? Arora ae tamaroa e kakaawaki ibukin karekean te mwaaka n te nakoanibonga.”3
“Ngkana ti nanorinano imatan te Uea ao ni butiia bwa e na reireiniira, E na kaota nakoia arora ni karekea mairouna mwaakana,” e taku Beretitenti Russell M. Nelson, Beretitenti n te Kooram n Abotoro n te Tengaun ma Uoman.4
Rakan Booki aika Tabu ao Rongorongo
1 Nibwaai 14:14; Doctrine ao Covenants 121:36; 132:20; 109:22; reliefsociety.lds.org
© 2017 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki n te USA. Kariaiakaki n te Ingiriti: 6/16. Kariaiakaki rairana: 6/16. Rairan te Visiting Teaching Message, June 2017. Kiribati. 97926 859