Bilenge
Ntango Moninga na Ngai Akufaki
Mokomi afandaka na Utah, USA.
Ntango nazalaki elenge na kelasi na ngai ya secondaire, moninga na ngai azwaki likama ya bongo mpe akufaki nsima mokolo. Atako nazalaki mondimi ya Eklezia, nakobaki kobunda. Bateyi ngai na bomoi na ngai mobimba ete nakoki kozonga epai ya Tata na Lola mpe Mobikisi mpo na eloko nyonso, kasi nasengelaki kosala likambo moko lokola oyo te liboso.
Nalelaki ntango molai, komekaka kozwa eloko moko—likambo moko—epesa ngai kimia. Butu nsima ya liwa na ye, nazwaki buku ya nzembo. Ntango nazalaki kolekisa nkasa, nakweyaki na “Demeure aupres de moi, Seigneur!” (Loyembo, no. 93). Mokapo ya misatu efungolaki mayele na ngai:
Zala elongo na ngai; ezali mpokwa
Mpe ngaimei ekozala butu.
Soki nakosolola na yo te,
To epai na yo nakozwa pole na ngai te.
Molili ya mokili, nazali kobanga,
Zala kati na libota na ngai.
O Mobikisi, tikala na butu ya lelo na ngai;
Tala, ezali mpokwa.
Molongo oyo etondisaki ngai na kimia mingi mpenza. Nsima nayebaki ete Mobikisi akokaki bobele kotikala elongo na ngai na butu wana te kasi ete Ayebaki mpenza lisusu lolenge nini nazalaki koyoka. Nayebi ete bolingo oyo nayokaki na nzela ya loyembo elendisaki ngai kaka na mpokwa wana te kasi elendisaki ngai mpe kati na mimekano mosusu nayikeli mpiko.