Si Jesus Mipasaylo

Usa ka adlaw si Jesus nag-ampo. Usa sa mga disipulo mihangyo ni Jesus, “Ginoo, tudloi kami sa pag-ampo.”

Si Jesus misulti sa Iyang mga disipulo sa pag-ampo ug mangayo sa Langitnong Amahan sa pagpasaylo sa ilang mga sala. Siya miingon nga ang Langitnong Amahan mopasaylo kanila kon sila mopasaylo sa uban.

Si Pedro nangutana ni Jesus kon kapila siya kinahanglang mopasaylo sa tawo nga mihimo og usa ka butang nga sayop. “Pito ka higayon?” Si Pedro mitag-an.

“Kapitoan ka pito,” miingon si Jesus.

Si Jesus mitudlo sa Iyang mga tinun-an nga kita kinahanglan kanunayng mopasaylo.

Si Jesus mipasaylo sa mga tawo kinsa mibati og kaguol sa ilang mga sala. Sa dihang Siya mipasaylo sa usa ka babaye, siya mibati nga mapasalamaton kaayo nga siya mihugas sa Iyang mga tiil sa iyang mga luha.

Si Jesus mipasaylo usab sa mga katawhan kinsa wala masayud nga ang ilang gibuhat sayop. Siya mihangyo sa Langitnong Amahan sa pagpasaylo sa mga tawo kinsa milansang Kaniya tungod kay sila wala makahibalo nga ang ilang gipasakitan ang Anak sa Dios.

Si Jesus mipasaylo sa mga katawhan tungod kay Siya nahigugma kanila. Ako maningkamot nga mahisama ni Jesus pinaagi sa pagpasaylo usab sa uban!