Tusigāmanatu o le Konafesi o Aperila 2017
“O le mea ua fai atu ai A’u o le Alii ua Ou fai atu ai; … pe i lo’u lava leo po o i le leo o a’u auauna, ua tutusa lava” (MF&F 1:38).
A o e iloiloina le konafesi aoao ia Aperila 2017, e mafai ona e faaaogaina itulau nei e fesoasoani ia te oe e suesue ma faaaoga aoaoga lata mai nei a perofeta ma aposetolo soifua ma isi taitai o le Ekalesia.
Ata
Sister Bonnie H. Cordon
“‘Ia e faatuatua ia Ieova ma lou loto atoa; a e aua le faalagolago i lou lava atamai’ [Faataoto 3:5–6 ]. …
“… I le faaPeretania o le upu faalagolago e i ai se uiga o le lilifa atu faaletino po o le masii i se isi itu. A tatou faalagolago faaletino i se tasi itu po o se isi, tatou te o ese mai le ogatotonu, ua tatou le paleni, ma tatou pauuese. A tatou faalagolago faaleagaga i lo tatou lava atamai, ua tatou le faalagolago atu i lo tatou Faaola. …
“… E mafai e i tatou taitoatasi ona faatuatua i le Alii a e aua le faalagolago [sese] . E mafai ona faatutotonu o tatou olaga i le Faaola e ala i le iloaina o Ia, ma o le a Ia taitaia o tatou ala.”
“O se tagata agasala ua salamo e latalata atili atu o ia i le Atua nai lo le tagata faafiaamiotonu ua ia ta’usalaina le tagata agasala.” ___________________
“O le uunaiga mo le siitiaina o le leo o le lapataiga, o le alofa lea—alofa i le Atua ma le alofa i uso a tagata. O le lapatai atu o le popole lea.” ___________________
“Afai o le alofa o le Atua o le fati lea o la tatou pese e tasi, e mautinoa lava o lo tatou sailiga e tasi ia usitai ia te Ia o le faigaleo taua e tasi lea o loo i ai.” ___________________
“Sa masani lava o se mea e seasea tupu ae sa talileleia le tuusaunoaga mo talavou e aumai ia igoa o o latou lava tuaa i le malumalu. O le taimi nei ua fai ma mea masani.” ___________________
Tali: (1) Dale G Renlund,(2) D. Todd Christofferson, (3) Jeffrey R. Holland, (4) Henry B. Eyring
Ina ia faitau, matamata, pe faalogologo i lauga o le konafesi aoao asiasi i le conference.lds.org