Baprofeta mpo na Kokamba Biso

Mwa mibu eleki, nafandaki na salon ya Tempelo ya Salt Lake esika oyo Bokambi ya Yambo mpe Lisanga likoki ya Bapostolo Zomi na mibale bakutanaka mbala moko na poso. Nazalaki kotala efelo ya oyo ezalaki liboso ya Bakambi ya Yambo, mpe wana namonaki bafoto ya Baprofeta moko na moko ya Eklezia.

Ntango nazalaki kotala yango, bakulutu na ngai ya baprofeta—uta na Profeta Joseph Smith (1805–44) kino na Mokambi Gordon B. Hinckley (1910–2008)—Nakanisaki, “lolenge nini nakambami na moko na moko na bango.”

Bazali bato minene oyo batepaki tepaki te, batiaki tembe te mpe babungaki te. Mibali oyo bazali ya Nzambe. Ntango nabanzi na Baprofeta ya lelo nayebaki mpe nalingaki, namikundoli babomoi na bango, bizalela na bango, mpe mateya na bango efulama.

Mokambi Heber J. Grant (1856–1945) azalaki Mokambi ya Eklezia ntango na botamaki. Ntango nazalaki komona bomoi na ye mpe mateya na ye, nabanzi elembo oyo Mokambi Grant azalaki ntango nyonso kopesa ndakisa ezalaki ya boyiki mpiko—boyiki mpiko na makambu oyo ezali malamu mpe lokumu.

Mokambi George Albert Smith (1870–1951) azalaki Mokambi ya Eklezia na ntango ya eleko oyo nasungaki lokola episikopo ya palwasi na ngai na Salt Lake City. Amonaki ete etumba monene ezali ya Nkolo na monguna. “Soki bokotikala na ngambo ya mondelo ya Nkolo,” atei, “bokozala na nguya na ye mpe mposa ya kosala mabe ekozala te.”¹

Nabengamaki mpo na kosunga lokola moko kati ya Lisanga likoki ya Bapostolo Zomi na mibale na 1963 na Mokambi David O. McKay (1873–1970). Atei ntina tosengeli kopesa basusu na lolenge asalelaki na bomoi na ye. “Kimoklistu ya solo,” alobaki, “ezali bolingo na ndakisa.”²

Mokambi Joseph Fielding Smith (1876–1972), moko ya bakomi minene ya Eklezia, azalaki na bokambami ya molimo na bomoi na ye ya boyekoli nsango malamu. Azalaki ntango nyonso koyekola makomi mpe ayebaki malamu mateya mpe malongi oyo ezalaki kati bankasa na yango lokola moto oyo naino namona te.

Mokambi Harold B. Lee (1899–1973) asungaki lokola mokambi na ngai ya likonzi ntango nazalaki elenge mobali. Moko ya mateya na kitoko ezalaki “Botelema … na bisika bisantu, mpe bozala ya koningana te.”³ Alendisaki Basantu bandimela nungunungu ya Molimo Mosantu mpe basalela.

Nandimeli bokambami ya mokano kati ya bomoi ya Mokambi Spencer W. Kimball (1895–1985) esengelaki kozala bomipesi. Amipesa mobimba, na bozangi koboya Nkolo. Amipesa lisusu mobimba, na nsango malamu ya bomoi.

Ntango Mokambi Ezra Taft Benson (1899–1994) akomaki Mokambi ya Eklezia, abengaki ngai nasunga lokola Mopesi Toli na ye ya Mibale na Bokambi ya Yambo. Bolingo ezalaki mobeko ya bokambi na ye, oyo etangami na liteya na ye moko, elobamaki na Mobikisi: “Lolenge ya bato nini bosengeli kozala? Solo nalobi epai ya bino, kutu lokola nazali.”⁴

Mokambi Howard W. Hunter (1907–95) azalaki moko oyo azalaki koluka ntango nyonso bolamu kati ya basusu. Atako azalaki sembo te, atako azalaki na komikitisa te. Ezalaki libaku malamu ya kosunga lokola Mopesi Toli ya Mibale.

Mokambi Gordon B. Hinckley ateyaki biso tosala makasi. Amemaki litatoli ya nguya ya Mobikisi mpe mosala na ye. Ateyaki biso na bolingo. Kosungaka lokola Mopesi Toli na ye ya Yambo ezalaki lokumu mpo na ngai mpe lipamboli mpo na ngai.

Mobikisi apesaka biso baprofeta mpo ete Alingaka biso. Na ntango ya likita linene na Sanza ya Zomi oyo, Bakambi Minene ya Eklezia bakozwa libaku malamu ya kokabola liloba na ye. Tozwaka mokumba oyo na lokumu nyonso mpe komikitisa.

Mapamboli nini tozali na yango lokola Eklezia ezongisama ya Yesu Klistu ezali likolo ya mabele mpe ete Eklezia etelemisami likolo ya libanga ya bobimisi. Bokobi ya bobimisi ezali mozindo ya nsango malamu ya Yesu Klisto.

Tika tomilengela mpo na kozwa bobimisi ya biso moko oyo eyaka na bofuluki na ntango ya likita linene. Tika mitema na biso etondisama na bofuluki ya mokano ntango totombolaka maboko na biso mpo na kosunga baprofeta ya bomoi mpe bapostolo. Tika tongenga na pole, totombwama, tolendisama mpe tokembisama ntango toyoki bansango na bango. Mpe tika tozala pene ya komipesa na Nkolo Yesu Klistu—sango malamu mpe mosala na Ye—mpe kozala na bomoi elongo na bozali sika na kobatelaka mitindo na Ye mpe kokokisa bolingi na Ye.