Wɔwɔ Akoma Kor

Mfonyin

Relief Society Ahyɛnsewdze

“Na Ewuradze frɛɛ no nkorɔfo Zion, osiandɛ wonyaa akoma kor na adwen kor, na wɔtsenaa ase wɔ tseneneeyɛ mu; na ohianyi biara nnyi hɔn mu” (Moses 7:18). Yebesi dɛn botum ayɛ kor?

Elder M. Russell Ballard a ɔkã Asomafo Duebien no hɔn Quorum ho no kãa dɛ, “Ngyiresi Borɔfo kasa kasafua werdambɔ no botae tsim nye kasafua kor. Sɛ adasa nyina tse iyi ase a, nkyɛ obiara nnyi hɔ a n’asɛm nnkɛfa hɛnho, a ne mfe a odzi, ne nyimpa su, dɛ ɔyɛ banyin anaa basia, ne nyamesom, anaa ne sika na gyinabew mmfa ho. Yɛbɛper dɛ yebosũasũa Agyenkwa no na yɛbɛyɛ ayamuyie, yɛrennyɛ anyampamu, yebobu adze, anaa yɛbɛtse ama binom.”¹

President Henry B. Eyring, Ɔpamfo a Odzi Kan wɔ President a Odzi Kan na n’Apamfo mu no, kyerɛkyerɛɛ dɛ: “Bea a Sunsum [no] kã nyimpa ho no, [hɔn] enyi bɛda koryɛ do. … Nyankopɔn no Sunsum mmfa wentwiwentwi mmba dabiarada (hwɛ 3 Nephi 11:29. … Ɔma ankorankor asomdwee na ɔma yɛnye binom nya nkabɔmu.”²

Carole M. Stephens, a ɔsoom dɛ Ɔpamfo a Odzi Kan wɔ Wiadze Mfɛndzanan Relief Society Presidency mu no rekã ebusua ɔhaw ho asɛm no, ɔkãa dɛ: “Monnduaa awargyaa mu da, anaa yaw na suro a ofi ankonamyɛ mu ba, anaa asodzi a ɔda enã hokwafo do da. Monnduaa abawu mu, awoo a ɔmmba, anaa basia na basia ho akɔndɔ bɔn. Monnsɔw atseetsee, kɔannkɔ yarba, anaa nsan yarba dabiarada. Iyinom nnyɛɛ m’akõsɛm mu nsɔhwɛ.

“… Naaso marankasa mo nsɔhwɛ na atseetsee mu no … mebohu Nyia a Ɔtsease no. … Na dza ɔkã ho no, menam babaa, akyerɛbaa, enã kumabaa, na nyɛnko hɔn dze do enya honandua mu nsɔhwɛ a mabobɔ edzin seisei no.

Hɛn akwanya dɛ Nyame ne mbabaa ahyɛmudzi esiefo no nnyɛ dɛ yebosũa efi hɛnara hɛn ɔhaw nko mu; ɔno nye dɛ yɛbɛyɛ kor wɔ tsema na ayamuhyehye mu ber a yɛboa Nyame N’ebusua no wɔ hɔn aperdzi mu.”³