Dāpij Ro Rej Jōbwābwe Kwōj Iakwe Er

Pija

mother and daughters walking together

“Ak m̧ool eo ej bwe baam̧le ko rejjab wāppen … ,” Būreejtōn Dieter F. Uchtdorf ekar ba, Rikakpilōklōk eo Kein Karuo ilo Būreejtōnji eo Kein Kajuon. “Jekdo̧o̧n kain jorrāān rot eo baam̧le eo am̧ ej jelm̧ae, jekdo̧o̧n ta eo kwōj aikuj kōm̧m̧ane n̄an ņamejļan, jinoin im jem̧ļo̧kin uwaak eo ej iakwe-em̧ool, iakwe eo erreo an Kraist.”¹

Jān ro rejjab lukkuun bōk koņaer ilo gospel in, Linda K. Burton, kar Būreejtōn eo Eutiej an Doulul eo an Kōrā ro, ekar ba: “Jemedwōj Ilan̄ ej iakwe aolep ajri ro Nejin. … Jekdo̧o̧n ia eo rej pād ie—ilo ak jab ilo iaļ in—Ekōņaan bwe reņ jepļaakļo̧k n̄an kapijuknen.”²

“Ijoke jekdo̧o̧n jon̄an jōbwābwe eo an [ajri ro nejūm̧], … n̄e kwōj kwaļo̧k ak kōnono n̄an er, kōm̧m̧ane jab ilo illu, kōm̧m̧ane jab ilo jememe, jab ilo juon jetōb in kakkure,” Būreejtōn Joseph F. Smith ekar ba (1838–1918). “Kōnono n̄an er ilo jouj.”³

Elder Brent H. Nielson jān jiljilimjuonn̄oul eo ekar bar āliji kōmeļeļe eo an Rilo̧mo̧o̧r eo n̄an ro me ekar lōn̄ aer 10 silva im ekar jako juon: “Pukōt m̧ae kwōj loe. N̄e eo ekar jako ej ļaddik eo nejūm̧ ak leddik eo nejūm̧, ļeo jeim ak lio jatim, … ālkin aolep men jekar maron̄ kōm̧m̧ani, jej iakwe armej in kōn aolepān būruwōd. …

“Kōm̧m̧an bwe kwe im n̄a jen bōk revelesōn n̄an jeļā wāween eo em̧m̧antata n̄an tōpar ro rejebwābwe ilo mour ko ad im, n̄e ekkar, n̄an bōk kijenmej im iakwe eo an Jemād Ilan̄ im Nejin, Jisōs Kraist, ilo ad iakwe, lale, im kōttar nejin eo ejerwaan.”⁴

Būreejtōn Henry B. Eyring, Rikakpilōklōk eo Kein Kajuon ilo Būreejtōnji eo Kein Kajuon, ekar ba: “Em̧ōj aō jar ilo tōmak bwe en wōr juon eo ij iakwe me ej pukot im en̄jake kajoor eo an Pinmuur eo. Em̧ōj aō jar kōn tōmak bwe armej ro āinwōt enjeļ ro renaaj itok, im raar itok.

“Anij eaar karōk juon iaļ n̄an lo̧mo̧o̧ren kajjojo ajri ro Nejin.”⁵

Pija

Relief Society seal