’Ia ’ite iāna ’e tōna ’utuāfare

Te Fa’aro’o, Te ’Utuāfare, Te Tōtauturu

’Ua riro mai o Rita Jeppeson ’e tōna tuahine hāhaere ’ei nā hoa maita’i roa ’a hāhaere ai rāua ’e ’a hōro’a ai te mau parau tumu o te ’Evanelia. Tei roto ato’a rā tāua hāhaerera’a ra i te hautira’a ’āmui ta’o. O te ’ohipa au-roa-hia e Rita nō ni’a i tōna tuahine hāhaere nō te mea ’ua ’ite ’oia e hoa rāua ’e e ’ere noa te hāhaerera’a i te « tāpa’o » noa te tābula. E mea rahi roa te mau mea tā te mau tuahine e nehenehe e rave i te hō’ē hāhaerera’a, mai te haerera’a e ori haere ’aore ra te hutihutira’a te tahi aihere i roto i te aua ’a hauti noa ai te mau tamari’i.

’Ua parau o Elder Jeffrey R. Holland nō te pupu nō te Tino ’Ahuru Ma Piti ’āpōsetolo ē, « hi’o ’āpī nā ia ’outou, e hi’ora’a maita’i a’e, ’ei ti’a tonohia e te Fatu i tāna ra mau tamari’i… Tā matou e tīa’i nei, maoti rā, e haʼamau ʼoutou i te hōʼē ’anotau e mānaʼonaʼoraʼa mau i te mau melo, tei faʼatumuhia i niʼa i te ʼevanelia, i te tīaʼiraʼa ʼe te aupururaʼa i te tahi ʼe te tahi, i te pāhonoraʼa i te mau hinaʼaro pae vārua ʼe pae tino nā roto i te rāveʼa atoʼa e tauturu mai.¹

’Ua fa’aue te Fatu nā roto ia Mose i te mau tamari’i a ’Īsera’ela ē « ’ia riro rā te ta’ata ’ē e pārahi i ō ’outou nā mai te ta’ata tupu ato’a ’ia ’outou, e aroha ho’i ’oe iāna mai te aroha ia ’oe ihora » (Levitiko 19:34). Penei a’e te mau tuahine tā tātou e hāhaere nei e mau « ta’ata ’ē » ’a ha’amata noa ai tātou i tā tātou tāvinira’a, ’a ha’amata ai tātou i te mātau i tōna ’utuāfare, e mara’a mai tō tātou hia’ai nō te « ’tauturu te tahi i te tahi i te hōpoi i te hōpoi’a, ’ia māmā te reira » ’e tō tātou « ’ā’au i au-tahi-māite-hia i te au māite ’e te aroha, te tahi i te tahi » (Mosia 18:8, 21)

Tē ha’amana’o ra o Reyna I. Aburto, tauturu piti i roto i te peresidenira’a rahi o te Sōtaiete Tauturu, i te taime ’a riro ai ’oia ’ei mero ’āpī nō te ’Ēkalesia tei fa’ata’a ’aita i maoro a’e nei. « ’Ua haere mai tō’u mau tuahine hāhaere i tō’u fare », ’ua parau ’oia, « ’ua ’āfa’i mai rāua i te hō’ē mana’o tāmahanahana nō te rirora’a ’e te here i tō’u ’ā’au ».²