Katauraoi n Ongo Bwanaan te Atua

Beretitenti Uchtdorf e kabwarabwara aron te moan bwai are e karaoia te Atua imwiin karikan te mwaane ao te aine bwa e taetae nakoia ao e anganiira rongorongo ao kaetieti aika a kakaawaki. Ti karekea naba te kakabwaia anne n Eberi ao Okitobwa n tain te maungatabu ni kabuta, ngkana taan kairiiri n te Ekaretia a anganiira reirei are e tangiria te Uea bwa tina ongo.

Koa tia n ongo mai imwaina bwanaan te Atua rinanoia ana toro n tain te maungatabu ni kabuta? Ko a tia n namakinna bwa teuana te rongorongo ae e onoti e anganiko te kaeka are koa tia ni kaman kakaea? Inanon te tienoo, ko kona ni korea te namakin are e kanga ni buokiko. Ngkanne katauraoi n ongo bwanaan te Uea ni maungatabu aika ana roko ao ni korei am titiraki ao kamatebwaia raoi n am tai ni kamatebwaia koroboki aika a tabu. Tataro nakon te Tama are i Karawa, ni bubuti bwa kona karekei kaekaan titiraki ao iango n tain te maungatabu. Ngkai ko ongora nakon ana toro te Uea, kakauongo nakon te wirikiriki ae onoti nakoim. Tera ae koa tia n reiakinna? E kanga ae ko namakinna ni kaungako nakon te bitaki? Korei wirikiriki akanne ibukina bwa te Tamnei e a taetae nakoim!

Uringnga n tainako bwa Tamara are i Karawa e tangiriko ao e na kairiko n te kawai ae eti. Ngkai ko kataia n ongo ni Bwanaana rinanoia Ana toro, e na kakabwaiako ao ni kaitiakiko.