Ana Taeka te Atua Nakoia Natina

Ni koroboki aika a tabu e tuangiira te moan bwai are e karaoia te Atua imwiin karikan te mwaane ao te aine bwa e taetae nakoia.¹ Iai rongorongo irouna aika a kakaawaki ao kaetieti aika boongana ake e anganiira. Ana kantaninga bwa e na aki karawawataia ke ni kararaomaia ma e na kairiia nakon te kimwareirei ao te mimitong ae akea tokina.

Ao anne ai tibwa te moan. Man te bong anne nakon te bong aei, te Atua e a tia n reitinako n reitaki ma Natina. Ana taeka a tia ni kawakinaki, n riki bwa kaubwai, ao ni kamatebwaiaki irouia ana reirei n rooro nako. A kaotaki irouia naake a ukoukoria ni kan ata ana kantaninga te Atua, ao a kaota aia kakaoaua nakon te koaua are “te Uea te Atua akea te bwai ae e na karaoia, ma e na kaoti bwaai aika a raba nakoia ana toro aika burabeti.”²

Te baeten aei bon man te moan tai, ao e reitinako ni karokoa te bong aei. Bon tiaki tii karakin te Baibara ae tamaroa; Bon ana kawai te Atua are e kateia ibukin te reitaki n rongorongo aika a kakaawaki nakoia Natina. E kaikawa temanna mai ibuakora, weteia bwa ana riki bwa ana burabeti, ao e anganiia ana taeka bwa a na taekinna, are ti kaoaki iai bwa tina “butimwaia, n aron are mai wii[Na].”³ E taekinna, “e ngae man bon oin bwanaau ke bwanaia au tia mwakuri, bon titebo.”⁴

Aio ae moan te mimitong, kaunganano, ao te rongorongo ae kantaningaaki n rongorongon Kaokanbwaai—te Atua e aki kainabwaabu! E tangiriia Natina. E aki kitaniira bwa tina ririaki inanon te roo.

Uoua te tai ni katoa ririki, inanon Eberi ao Okitobwa, e reke ara tai n ongo bwanaan te Uea rinanoia Ana toro n ara maungatabu ni kabuta ae tamaroa.

I angani ngkami au kakoaua bwa bon imwain ae e karaoa te mwananga ae abwabwaki te tia taetae n te maungatabu ni kabuta. teuanne ke neienne e a tia ni kabanea korakorana, n tataro, ao ni kamatebwai ni kaeka ibukin tibwangana n taetae. Ni katoai maroro ake a taekinaki n te maungatabu a kaoti mwaitin aoa ni katauraoi ao te bubuti ae nako man te nano ni kan ota n te bwai are e tangiria te Uea bwa ana ongo Ana aomata.

Tera ae e na kona n riki ngkana taan ongora e bootau ma ana katauraoi te tia taetae ma are irouna? E na kanga arora nakon te maungatabu ni kabuta n okoro ngkana ti noora te maungatabu bwa te tai ni karekea te rongorongo mai iroun te Uea? Rinanon taeka ma katangitang n te maungatabu ni kabuta, ti kona ni kantaningaia bwa tina karekei kaeka nakon titiraki nako ke kangaanga ake ti na kona ni kaitarai.

Ngkana tao ko kan ataia bwa Tamara are i Karawa e bon kona n taetae nakoim, N na kauringko n te bwai are e bebete man tamaroa taeka ake a anenei ataein te Buraimwarii: [Bon ngkoe] natin te Atua, ao e kanakoma[iko].” Ana kantaninga bwa e na buokiko bwa kona okiria “ni maeka ma ngaia n te bong teuana.”

Ngkana ko nakon Tamara are i Karawa bwa Natina, ko kona ni butiia ma nanom ni kabane, “Kairirai, ao kawakinai, kaota te kawai. Reireiai ae n na karaoia.” E na taetae nakoim rinanon Tamneina ae Tabu, ao ngkanne e a nakoim “karaoan ana kantaninga.” I berita bwa ngkana ko karaoia, “kakabwaia aika a mwaiti a tauraoi.”⁵

Ana kairiiri te Uea e kainnanoaki n te bong aei n aron mwaitin are e a tia n nooraki n rongorongon te aonaaba. Ngkai ti katauraoi n ongo ana taeka te Uea, ti bia kakorakoraira n ukoukora Tamnein te koaua bwa e aonga ngkana e taetae te Uea rinanon Ana toro, tina kona n oota ao ni kaitiakaki, ao ni bane ni kukurei.⁶

I kakoaua bwa “man karaoan bwaai aikai mataroan moone e na bon aki tokanikai i [aora]; eng, ao te Uea ae te Atua e na kamaenakoa mwaakan te roo mai moa[ra], ao ni ioioa karawa ibukin kabwaia[ra], ao mimitongin arana.”⁷