Veika Vakasakiti mai nai ka 188 ni Koniferedi Raraba Vakayabaki

Ai tukutuku ni veigauna ena koniferedi raraba oqo ena vuqa na inaki, oka kina na kena vakavoutaki na kuoramu ni Matabete i Melikiseteki kei na kena tekivutaki e dua na gauna vou ni veiqaravi. Ia a kena a namaki duadua beka na noda dui madigi yadua meda tokoni Peresitedi Russell M. Nelson mei ka 17 ni Peresitedi ni Lotu i Jisu Karisito ni Yalododonu Edaidai.

E Dua na Soqoni Vakalou

Ni da sa tucake ka tokona na parofita vou ka Peresitedi, a sega ni dua na tamata a vola rawa na iwiliwili ni liga eda a laveta; ia a volai mai lomalagi me veiyalayalati kei na Kalou.

Ena gauna taucoko ni koniferedi, eda a raica na ivakadinadina ni oqo na Lotu ni iVakabula, e liutaka tiko o Koya maivei ira na Nona italai. Eda a vakadinadinataka na itutu ni dua na parofita bula ni veimaliwai vata kei keda yadua—ni sega walega ni mai tu ena keda tadrua vata kei na iVakabula ia e mai tu e yasada ka dusia tiko na sala vua na iVakabula. Eda a sotava kina na gauna meda ciqoma na “noda dui ivakadinadina ni nona kacivi o Peresitedi Nelson sa mai vua na Kalou” ka meda teivaka “na yaloda vua na Turaga o Jisu Karisito [ena noda] rogoci ira e tala mai o Koya” (raica na Elder Neil L. Andersen ena tabana 26).

Sa rawa mo vulica eso tale na veika e baleti Peresitedi Nelson ena itukutuku digitaki e 16 na tabana e vakau vata tiko yani kei na Ensign kei na Liaona ni Me 2018.

Tokoni ni iLiuliu vou ni Lotu

Me ikuri ni nona tokoni o Peresitedi Nelson, eda a tokona e sivia na 70 na iliuliu vou.

O na raica na yacadra sa tokoni, oka kina na Vitusagavulu ni iWasewase vou, ena tabana 6–8, 28–29.
Wilika na kedra itukutuku leleka na iliuliu yadua vakatekivu ena tabana 121.

Veisau ki na Kuoramu kei na Veiqaravi

Dina ga ni ra raica raraba oqo na parofita, na veisau a mai vakaraitaki ena koniferedi “sa ivakaraitaki ni ivakatakila [mai vua na Kalou] ka sa dusimaka tiko na Lotu oqo mai na ivakatekivu,” a kaya o Elder Jeffrey R. Holland (raica na tabana 101).

Wilika na ivakamacala me baleta na vakavoui ni kuoramu mai vei Peresitedi Nelson, Elder D. Todd Christofferson, kei Elder Ronald A. Rasband, vakatekivu ena tabana 54.
Wilika na ivakamacala baleta na veiqaravi mai vei Peresitedi Nelson, Elder Holland, kei Sister Jean B. Bingham, vakatekivu ena tabana 100.
Raica na ikuri ni ivakamacala me baleta na veisau oqo kei na ivurevure ni ivakasala ena iwasewase ni itukutuku ena tabana 132–33.

iKuri ni Valetabu

Me rawarawa ka dina “na noda itukutuku ki vuravura” eda sa: “sureti ira na luvena kece na Kalou ena yasa ruarua ni ilati me ra lako mai vua na iVakabula, ciqoma na veivakalougatataki ni valetabu savasava, taukena na reki, ka wili ki na bula tawamudu,” sa mai kacivaka kina o Peresitedi Nelson e vitu na valetabu vou.

Sa rawa mo raica na veivanua ena tara kina na vitu na valetabu vou oqo ena tabana 133.