Mga Gagawin Ko sa Kumperensya
Larawan
man walking down a dirt road
“Sabi sa akin ng isang kaibigan, habang binabasa raw niya ang mga mensahe sa pangkalahatang kumperensya, gumagawa siya ng listahan ng mga ipinagagawa sa atin ng mga pinuno ng Simbahan. Pagkatapos ay ginagamit niya ang listahan upang magtakda ng mga mithiin na makatutulong sa kanya na masunod ang kanilang payo. Nagpasiya akong magsimula ng sarili kong listahan. Nakagawa ito ng kaibahan para sa akin habang pinagninilayan ko ang mga mensahe at iniisip kung ano ang kailangan kong gawin. Talagang tinutulungan ako nitong pagtuunan ng pansin ang pinakamahalaga.”
—Edna Washburn, Utah, USA
Ano ang kaibahang ginagawa mo dahil sa natutunan mo sa pangkalahatang kumperensya? Isumite ang iyong kuwento sa liahona.lds.org o ibahagi ito sa facebook.com/liahona.
Narito ang ilang paanyayang narinig natin sa pangkalahatang kumperensya. Isaalang-alang ang pagsusuri ng mga mensahe upang maidagdag dito sa listahan ng mga paanyaya.
“Pag-isipan ang magagawa natin para maging mas magiliw, mapagkaibigan, at matulungin sa [mga bagong kaibigan], simula mismo sa susunod na Linggo” (Ulisses Soares, “Iisa kay Cristo Liahona, Nob. 2018, 39).
“Basahing mabuti at pakaisipin ang paghahayag na ito [tungkol sa pangitain ng pagtubos sa mga patay, na matatagpuan sa Doktrina at mga Tipan 138 ]” (M. Russell Ballard, “Ang Pangitain ng Pagtubos sa mga Patay Liahona, Nob. 2018, 73).
“Bumalik sa bahay ng Panginoon taglay ang iyong pusong sugatan at dala ang pangalan ng inyong mga kapamilya nang madalas hangga’t maaari” (Neil L. Andersen, “Sugatan Liahona, Nob. 2018, 85).
“Para sa ilan, mahirap ang maniwala. Kung minsan pinipigilan tayo ng kapalaluan. Siguro iniisip natin na dahil tayo ay matalino, nakapag-aral, o maraming karanasan, hindi natin magagawang maniwala sa Diyos. At sinisimulan nating ituring ang relihiyon na isang hangal na tradisyon.
“Sa karanasan ko, ang paniniwala ay hindi lamang isang ipinintang larawan na tinitingnan natin at hinahangaan at nagiging paksa ng ating usapan o kuru-kuro. Ito ay mas nahahalintulad sa isang araro na dadalhin natin sa bukid at, sa pagpapawis natin, lumilikha ng mga tudling sa lupa na tumatanggap ng mga binhi at namumunga ng prutas na mananatili.
“Magsilapit kayo sa Dios, at Siya’y lalapit sa inyo. Ito ang pangako sa lahat ng naghahangad na maniwala.”
Ano ang mga tanong mo na nasagot sa kumperensya? Ibahagi ang iyong karanasan sa facebook.com/liahona .
Larawan
Christ sitting with child from Bible videos
“Ang pinakamagagandang bagay sa buhay na ito ay nakasentro kay Jesucristo at pag-unawa sa walang hanggang mga katotohanan kung sino Siya at kung sino tayo sa ating kaugnayan sa Kanya.”
Elder Jack N. Gerard ng Pitumpu, “Panahon Na Liahona, Nob. 2018, 109.
Ipinaalala sa atin ni Pangulong Russell M. Nelson ang kahalagahan ng pagtataglay ng pangalan ng Tagapagligtas sa ating sarili—kapwa bilang mga disipulo ni Cristo at bilang mga miyembro ng Kanyang Simbahan. “Kapag inaalis natin ang Kanyang pangalan sa Kanyang Simbahan, sadyang inaalis natin Siya bilang pinakamahalagang pinagtutuunan ng ating buhay,” sabi niya.
“Kasama sa pagtataglay ng pangalan ng Tagapagligtas ang pagpapahayag at pagsaksi sa iba—sa ating mga salita at gawa—na si Jesus ang Cristo” (“Ang Tamang Pangalan ng Simbahan Liahona, Nob. 2018, 88). Inanyayahan din tayo ng maraming iba pang mga pinuno na pagnilayan kung paano natin higit na matataglay ang Kanyang pangalan sa ating sarili.
Inanyayahan tayo ni Pangulong Henry B. Eyring na itanong sa ating sarili ang dalawang bagay: “Ano ang dapat kong gawin para taglayin ko sa aking sarili ang Kanyang pangalan?” at “Paano ko malalaman kung umuunlad ako?” (“Sikapin, Sikapin, Sikapin Liahona, Nob. 2018, 91).
Nagmungkahi si Elder Robert C. Gay ng tatlong paraan na matataglay natin ang pangalan ng Tagapagligtas sa ating sarili (tingnan sa “Taglayin sa Ating Sarili ang Pangalan ni Jesucristo Liahona, Nob. 2018, 97–99).
Itinuro ni Elder Paul B. Pieper ang ibig sabihin ng tunay na taglayin ang pangalan ni Jesucristo (tingnan sa “Lahat ng Tao ay Kailangang Taglayin sa Kanilang Sarili ang Pangalang Ibinigay ng Ama Liahona, Nob. 2018, 43–45).
Isaalang-alang ang pagtatala sa iyong journal ng iyong mga naiisip at nadarama habang pinag-aaralan mo ang ibig sabihin ng pagtataglay ng pangalan ng Panginoon sa iyong sarili.