Taem Tingting blong Yu I Slak
Laef, i gat ol gud taem mo ol nogud taem. Samtaem, taem yumi no filim gud, yumi stap askem yumiwan ?wanem nao God i stap mekem?—?from wanem wan Papa we i gat lav i stap letem samting olsem i stap hapen? Had situesen ia i save mekem yumi askem: “Be God i rili kea long mi?”
Long situesen olsem, mi faenem se ol skripja ia oli helpem mi:
-
Ol Sam 8:4–5: “Mi luk man se hem i nating nomo. I no stret blong yu yu tingbaot hem. I no stret nating blong yu lukaot gud long hem. Be yu yu mekem hem, yu leftemap hem i hae we i hae, we yu nomo yu hae moa long hem. Yu mekem hem i olsem king, yu givim paoa long hem mo yu leftemap nem blong hem.”
-
Jon 10:14: Long taem blong laef blong Hem long wol ia, Jisas i tokbaot Hem, se Hem i “Gudfala Man blong Lukaot long Sipsip” mo i talem bakegen, “Mi mi save ol sipsip blong mi.”
-
Moses 1:39: Hemia i wan long ol ves we mi laekem tumas, we Lod i taltalemaot stamba tingting blong Hem i go long Profet Josef Smit: “From luk, hemia i wok mo glori blong mi—blong mekem man i nomo save ded mo i kasem laef we i no save finis”—mo long wei ia, Hem i talemaot klia se Hem i gat intres long yumi, olsem wanwan man mo woman.
-
Luk 7:11–16: Stori ia i no stap tijim yumi nomo long paoa we Sevya i gat ova long ded—we i wan stret taem blong rimaenem yumi long hemia long Ista taem ia—be long mi, hem i ripresentem bes eksampol se Hem, Hem i save gud wanwan long yumi. Aot long evri merikel blong Jisas, i gat sam oli naes mo i soemaot lav mo sore olsem taem we Hem i bin givhan long wido blong Naen. Olsem we mi stap serem long atikol blong mi (luk long pej 12), stori ia i soemaot intres mo lav blong Sevya long wanwan long yumi.
Keith J. Wilson
Asosiet profesa, Brigham Yang Yunivesiti