آپ مورمن کی کتاب میں کیا پائیں گے؟

جب آپ مورمن کی کتاب پڑھنے کے لیے وقت اور پُر سکوت مقام تلاش کرتے ہیں تو میں دیکھ سکتا ہوں کہ آپ کو جواب، رہنمائی کا احساس، اور مورمن کی کتاب اور یِسُوع مسِیح کی گواہی ملے گی۔

جب آپ مطالعہ کرتے ہیں، تو اِس بیش قیمت کتاب کے حصوں پر آپ کی توجہ بندھ جائے گی اور آپ اپنے پیارے مُنجّی کو اس کے تقریباً ہر صفحے پر پائیں گے۔ یہ تخمینہ لگایا جاتا ہے کہ اُس کے نام کی کوئی صورت کو اوسط 1.7 آیت میں استعمال کیا گیا ہے۔^۱ حتیٰ کہ مسِیح نے خود بھی اِن آخِری ایّام میں اِس سچائی کی گواہی یہ کہتے ہوئے دی ہے، ”جیسا کہ آپ کا خُداوند اور خُدا موجود ہے یہ سچ ہے“ (عقائد اور عہود ۱۷: ۶)۔

میں اُس وعدے اور دعوت کا شکر گزار ہوں جو خُداوند نے آپ سب کو مرونی نبی کے وسیلے سے پیش کی ہے—ہر ایک اُس کو جو مورمن کی کتاب پڑھتا ہے: ”اور جب تم یہ چیزیں [مورمن کی کتاب] پاؤ، تو میں تمھیں تاکید کرتا ہوں کہ تم[یِسُوع] مسِیح کے نام میں خُدا ابدی باپ سے دُعا کرنا، کہ آیا یہ چیزیں سچ نہیں ہیں؛ اور اگر تم سچے دل اور نیک نیتی سے مسِیح پر اِیمان رکھ کر دُعا کرو تو وہ اِس کی سچائی رُوحُ القُدس کی قدرت سے تم پر ظاہر کرے گا“ (مرونی ۱۰: ۴؛ آیات ۳، ۵ بھی دیکھئے)۔

جو سچائیاں آپ مورمن کی کتاب میں پائیں گے وہ آپ کو تقویت اور الہام بخشیں گی۔ وہ آپ کے اِیمان کو مضبوط کریں گی، آپ کی جانوں کو روشنی سے معمور کریں گی، اور آپ کو اُس مستقبل کے لیے تیار کریں گی جس کو آپ ابھی سمجھنے کے قابل نہیں ہیں۔

کتاب کے صفحوں پر آپ کو لا محدود محبّت اور خُدا کا ناقابلِ فہم فضل ملے گا۔ جب آپ وہاں پائی جانے والی تعلیمات کی پیروی کی کوشش کرتے ہیں، تو آپ کی خوشی وسیع ہو گی، آپ کا فہم بڑھے گا، اور فانیت کی چنوتیوں کے بہت سے جواب جن کی آپ تلاش کر رہے ہیں آپ پر آشکارہ کیے جائیں گے۔ جب آپ کتاب کی طرف دیکھتے ہیں، تو آپ خُداوند کی طرف دیکھتے ہیں۔