Si Jesus Nahigugma sa Atong mga Anak

Migahin ko og daghang panahon sa paghunahuna mahitungod sa mga bata. Gihigugma nako ang akong mga anak sa grupo sa akong pamilya ug mga higala. Dugang pa, ang akong trabaho sa mga magasin sa Simbahan naglakip sa paghimo ug pag-edit sa mga pahina alang sa mga bata sa tibuok kalibutan. Apan mga duha ka tuig ang milabay, ako nakaamgo nga ako wala gayud makatuon unsay gitudlo sa mga kasulatan mahitungod sa mga bata. Mao nga ako nakahukom sa pagbasa sa Bag-ong Tugon ug sa Basahon ni Mormon ug mohatag og dugang pagtagad sa unsay akong makat-unan mahitungod niining espesyal nga grupo.

Kadto usa ka makapausab sa kinabuhi nga kasinatian! Sa daghang mga kamatuoran nga akong nadiskobrehan, ang labing bililhon mao ang nagkadugang nga pagsabut kon unsa ka dako ang pagpakabana ni Jesus mahitungod sa mga bata. Siya nangalagad ngadto sa mga bata isip piho nga grupo, gigahin gikan sa uban, pagbalik-balik. Unsaon nato pagsunod sa Iyang ehemplo?

Ang akong artikulo sa pahina 18 nagpakigbahin sa pipila ka mga leksyon nga akong nakuha gikan sa kasinatian sa pagtuon sa kasulatan, nahiusa sa mga ideya ug mga pagtulun-an gikan sa pipila ka eksperto kabahin sa pagpugong sa pang-abuso.

Ang mga bata bililhon kaayo. Manghinaut ko nga kita magtambayayong sa pagpanalipod ug paghatag nila og kahigayunan, pagtagad kanila sama sa pagtagad ni Jesus!

Uban sa gugma,

Marissa Widdison