Mālō e lelei mei Mongokōlia!
Ko Mako mo Paolo kimaua. ʻOkú ma folau takai holo he māmaní ke ako fekauʻaki mo e fānau ʻa e ʻOtuá. Kau fakataha mo kimaua ʻi heʻema ʻaʻahi ki Mongokōliá!
ʻOku tuʻu ʻa Mongoikōlia ʻi ʻĒsia, ʻi he vahaʻa ʻo Siaina mo Lūsiá.
ʻOku fakafuofua ki ha kakai ʻe toko 3 miliona ʻi Mongokōlia, pea fakafuofua ki ha kāingalotu ʻo e Siasí ʻe toko 12,000. Ko e hā ha meʻa ʻokú ke fakatokangaʻi ʻi he laʻitā ko ʻení ʻoku faitatau mo homou fāmilí? Ko e hā e meʻa ʻoku kehé?
Ko e Mopmohpi Hom ʻeni, ko e Tohi ʻa Molomoná.
ʻOku tokolahi ange e fanga hōsí ʻi Mongiokōlia ʻi he tokolahi ʻo e kakaí! Oku kau ʻi he ngaahi kātoanga ʻa Mongokōliá ʻa e ova hoosi, fana ngahaú, fangatuá, tauʻolungá, mo e meʻakai ifó.
ʻOku tokolahi ha ngaahi fāmili ʻi Mongokōlia ʻoku nau nofo ʻi he kolomuʻa ko ʻUlanipatā.
ʻOku nofo e ngaahi fāmili ʻe niʻihi ʻi he feituʻu ʻutá. ʻOku nau nofo ʻi ha ʻū tēniti ʻoku ui ko e gers mo tauhi e fanga tākanga monumanu hangē ko e yaks, hōsí, mo e kāmelí.
ʻOku hangē pē ʻa e yaks ko e fanga pulú, ka ʻoku nau fulufulua ange kinautolu!
Feʻiloaki mo ha niʻihi homa ngaahi kaungāmeʻa mei Mongokōliá!
ʻOku ou ʻilo ko Sīsū Kalaisi ʻa e ʻAlo ʻo e ʻOtuá pea ʻokú Ne ʻofa ʻiate au mo e fānau kotoa ʻi he feituʻu kotoa pē. ʻOku ou manako ke ʻalu ki he lotú mo e Palaimelí, he ko e taimi ʻoku ou ʻalu ai ki aí ʻoku ou ako fekauʻaki mo Sīsū.
Bilegt, taʻu 7
ʻOku ou ʻilo ʻoku tau maʻu ha palōfita moʻui, Palesiteni Lāsolo M. Nalesoni. ʻOkú ne akoʻi ʻa e ngaahi meʻa ʻoku moʻoní.
Gerelchimeg, taʻu 4
ʻOkú ke haʻu mei Mongokōlia? Tohi mai kiate kimaua! ʻOkú ma fie fanongo meiate kimoutolu!
Fakamālō atu ʻi hoʻomou fie mamataʻi ʻa Mongokōlia mo kimauá. Tau toki sio!