!Halo i Kam Ajentina!
!Halo! Mitufala i Margo mo Paolo.
!Joenem mifala taem mifala i stap visitim Ajentina!
Ajentina i wan kantri long Saot Amerika. Hem i moa long 2,000 mael (3,219km) longwan. Long not, Hem i hot tumas long sama taem. Long saot, !i gat ol reva mo wota we i aes truaot long yia!
Empanadas oli wan popula kaekae long Ajentina. Oli wan flaoa blong kek we oli fulumap wetem mit blong buluk, kon, o frut. !Yam!
Ol Kaoboe oli singaotem olgeta gaujos long Ajentina. Oli lukaotem ol buluk mo hos.
Plante man i pem kaekae long ol maket. Boe ia i stap helpem papa blong hem blong karem wan sandía o wotamelen.
Gel ia i visitim Córdoba Ajentina Tempol long dei we oli dediketem. !I no longtaem bae Ajentina i gat tri tempol!
Fulap intresting animol i laef long Ajentina—!ol jagua, kondo, mo penkwin!
!Ushuaia i wan long ol siti we i moa kolosap long Saot Pol long wol! I gat tri wod long siti ia.
!Mitim sam fren blong mifala blong Ajentina!
Taem Presiden Russell M. Nelson i presentem niufala program blong ol gol blong ol pikinini mo yut, mi putum ol gol blong ronron, stap olsem wan gud fren, mo mekem ol prea blong mi i moa gud. Mi bin serem testemoni blong mi long sakramen miting se mi save se sapos mi mekem program ia, Papa long Heven bae i helpem mi.
Gonzalo L., 7 yia, Buenos Aires, Ajentina
Taem yumi ridim ol skripja, yumi lanem abaot Jisas Kraes mo olsem wanem Hem i lavem yumi. Hemia i helpem mi blong stap hapi. Mi save se Hem i lavem mi.
Emma L., 5 yia, Buenos Aires, Ajentina
?Yu yu blong Ajentina? !Raet i kam long mifala! Bae mifala i laekem tumas blong harem yufala.
Tangkyu blong wokbaot long Ajentina wetem mifala. !Lukim yu nekis taem!