Sau, Mulimuli Mai ia te A’u: Tusi a Mamona
E faapefea ona amiotonu ma alofa mutimutivale le Atua?
27 Iulai–2 Aokuso
Atonu e foliga mai e pei o le faamasinoga tonu ma le alofa mutimutivale ua feteenai le tasi ma le isi, ae ua galulue faatasi uma i le fuafuaga a le Atua.
Faamasino tonu:
-
O le a toetutu tagata uma ma faamasinoina e tusa ma a latou galuega ma manaoga (tagai i le Alema 41:2–3).
-
Ua tuuina mai e le Atua ia i tatou tulafono, ma Na te usitai atoatoa i ai (tagai Alema 42:22).
-
E le faamalosia i tatou e salamo, ae o le a tatou fetaiai ma taunuuga o a tatou galuega pe afai tatou te le salamo (tagai Alema 42:27).
Alofa mutimutivale:
-
O le toetu e tonu ma e alofa mutimutivale (tagai 2 Nifae 9:8–15).
-
Ua foai mai e le Atua ia i tatou le salamo ma le faamagaloga e ala ia Iesu Keriso ma Lana Togiola (tagai Alema 42:22–23).
-
E mafai ona tatou filifili e o mai ia Keriso ina ia togiolaina (tagai Alema 42:27).
O Iesu Keriso “lea ua togiola lava ia mo agasala a le lalolagi, e faataunuu ai le fuafuaga o le alofa mutimutivale, e faamalie ai manaoga o le faamasinotonu, ina ia mafai ona avea le Atua ma Atua ua atoatoa, faamasinotonu, ma se Atua alofa mutimutivale foi” (Alema 42:15).