Ata

Joseph S

Ata na pueina e Michael Morris

Talu ai nei lava, o le lakapi, aoga, ma le ekalesia o mea ia sa masani ona ou taulimaina eseese ma taumafai e faapaleni. Ina ua mae’a le vaitau o le lakapi, sa fai a matou fonotaga a tagata taaalo ma lo’u faiaoga lakapi. Sa talanoa mai o ia ia te au e uiga i le taitaiga ma le auala e mafai ona avea ai au ma se taitai e sili atu ona lelei. Sa ia fai mai i se mea mataina ou te lei mafaufauina.

Sa ia fai mai, “Ia ou te iloa o loo e fuafua e auauna atu i se misiona. O oe e te lotu, ma e te fiafia i le talanoa e uiga i le Atua. Ou te manao e te talanoa e uiga i le Atua i isi tagata taaalo. O le mea lena na ou faiaoga ai—ia faalatalata atili atu tagata i le Atua. Ou te fia vaai i olaga o tagata ua suia. Ou te manatu o oe o se tasi o tagata taaalo sili ona lelei i le au e faia lenei mea. A i ai sou avanoa, aisea la e te le talanoa atu ai i se tasi e uiga i le Atua? E ono teena e nisi tagata, ae atonu e suia ai le olaga o se tasi. E te le iloa lava.”

Ou te lei faafesootaia moni lava ia taaloga ma le aoga ma le lotu. Ae o lenei talanoaga ua faafesootaia i latou mo au ma na ou fiafia ai ma sili atu ona ou saunia e faasoa atu le talalelei i isi. Na mafai ai ona ou iloa e mafai ona avea oe ma tagata lava e tasi i le lakapi ma le aoga ma le seminare i le taeao po i le fale o se tasi ma o le a faamanuiaina pea. O lea la ua ou faafesootaia i latou ma ua faigofie ai ia mea.

Ua fesoasoani lenei mea ia te au e saunia ai mo se misiona. O lea ua ou atili masani e talanoa i tagata e uiga i le Atua, faasoa atu le talalelei, ma tuuina atu la’u molimau.

Iosefa S., 17, Louisiana, ISA