Սուրբ գրությունների պատմություններ
Հավատարիմ մարդիկ հետևեցին Հիսուսին:
Կարդացեք այս մասին 3 Նեփի 17 մինչև 4 Նեփի 1-ը:
Նկարազարդումը` Էյփրիլ Սթոտի
Երբ Հիսուսն այցելեց Նեփիացիներին, Նա ուսուցանեց նրանց մկրտության մասին և թե ինչպես հաղորդություն վերցնել: Նա հիմնեց Իր Եկեղեցին:
Հիսուսն օրհնեց յուրաքանչյուր երեխային: Հրեշտակներ եկան: Հիսուսը բժշկեց մարդկանց և աղոթեց նրանց համար: Հետո նա վերադարձավ երկինք։
Հիսուսի գնալուց հետո մարդիկ շարունակեցին կատարել, ինչ Նա էր ուսուցանել: Բոլորը աշխատեցին միասին և կիսվեցին, ինչ իրենք ունեին, այնպես որ ոչ ոք աղքատ չէր: Եկեղեցու առաջնորդներն օրհնեցին նրանց, ովքեր հիվանդ էին:
Կռվելու փոխարեն մարդիկ ընտրեցին ընդառաջել միմյանց: Բոլորը հետևեցին Աստծո պատվիրաններին: Եվ նրանք երջանիկ էին երկար ժամանակ:
Իմ կյանքն ավելի երջանիկ կլինի, երբ ես հետևեմ Աստծո պատվիրաններին: Ես կարող եմ իմ ունեցածով կիսվել ուրիշների հետ: Ես կարող եմ օգնել մարդկանց ընդառաջել միմյանց: ●